بەرشەلۆنە ھێرشێن خوە زێدەکرن بوو کرینا کوتینھوی
ئەڤرۆ:
راپورتێن رۆژنامەڤانی ل برێتانیا و ئیسپانیا ئاشکراکرینە یانا بەرشەلۆنە دەست ب دانوستاندنان کریە ل گەل بریکارێ یاریزانێ بەرازیلی و یانا لیڤەرپول ڤلیپ کوتینھوی و ھەردیسان ل گەل بەرپرسێن یانا لیڤەرپول ژی بوو وێ چەندێ بشێت یاریزانێ ناڤبری ب دەستخوڤە بینت پشتی بێ ئومێدبووین ژ دەستڤە ئینانا یاریزانێ ئیتالی و یانا پاریس سانجێرمان فیراتی و یانا کەتەلونی دو سالە یاریزانێ بەرازیلی کوتینھو کریە ئارمانجا خوە لێ یانا لیڤەرپول بوویە رێگر د رێیا بەرشا دە.
رۆژناما سپورت یا ئیسپانی دیارکر یانا بەرپرسێن یانا بەرشەلۆنە نوکە ل باژێرێ لەندەن بۆ دەست ب دانوستاندنان ل گەل یانا لیڤەرپول بۆ دەستڤە ئینانا کوتینھوی ھەر چەندە یانا لیڤەرپول ب زەحمەت ل سەر ڤێ داخوازیا یانا بەرشەلۆنە رازیبیت لێ ژێدەرێن نێزیک یانێ وەسا دیاردکەن ھەردو یانە گەھشتی نە کوژمەکێ نێزیکی ئێک دبیت ب گەھنە رێککەفتێ .
رۆژناما سپورت یا ئیسپانی ئاشکراکریە ژی یانا ئنگلیزی داخوازیا زێدەتر ژ ١٠٠ ملیون یورۆیا کریە بۆ ھەر یانەکا حەزا کرینا یاریزانێ وێ یێ بەرازیلی کوتینھوی ھەبیت لێ یانا بەرشا ژی باش زانیت ئەو کوژمێ یانا لیڤەرپول دانای کوژمەکێ مەزنە و وێ رۆژنامێ دیارکریە ژی بەرپرسێن بەرشەلۆنا ئاشکراکریە ئەو دێ شێن رێککەفن ل گەل یانا ئنگلیزی و ل سەر کرینا یاریزانی ھەتا رادەکێ مەزن شێن یانا لیڤەرپول رازیبکەن .
رۆژناما سپورت ئەو چەندە ژی دیارکریە یاریزانێ ناڤبری ژی حەزا کرنا یاریێ ل یاریگەھا کەمپ نوو ھەیە و یاریزان داخوازیت یاری ل گەل یانا بەرشەلۆنە بکەت دبیت ھەتا رادەکێ مەزن گەشتا بەرشەلۆنە یا ڤێ چارێ یا سەرکەفتی بیت بۆ دەستڤە ئینانا ستێرا ھێلا ناڤینا بەرازیلی کوتینھوی .
