بەرهەمێ تری ل پارێزگەها دهۆكێ د ئەڤ سالە دا زێدەبوویە
بێوار حەمدی
ب پشتەڤانیا حوكمەتا هەرێما كوردستانێ پارێزگەها دهۆكێ یاناڤدارە ب بەرهەمێ ناڤخۆ وئەڤ بەرهەمە سالانە د زێدەبوونێ دانە و بەرهەمێ تری ژی ئێك ژ وانە، لەوما حوكمەتا هەرێمێ بریاردایە تریێ بیانی بهێتە قەدەغەكرن.
ئەحمەد جەمیل، ڕێڤەبەرێ گشتی یێ چاندنێ ل پارێزگەها دهۆكێ بۆ ڕۆژناما ئەڤرۆ دیاركر، د ئەڤ سالەدا بەرهەمێ تری زێدەبۆیە و پێشبینی دهێتەكرن 80 هزار تەن بهێنە بەرهەمئینان و د دەمەكی دا كو ل پارسال 60 هزار تەن هاتبوونە بەرهەمئینان و گۆت (پارێزگەها دهوكێ یا ناڤدارە ب بەرهە مێ ناڤحۆ ب پشتەڤانیا حكومەتا هەرێما كوردستانێ و دیسان ئەڤ بەرهەمە سالانە د زێدەبۆنێ دایە و بەرهەمی تری ژی ئێك ژ وانە و سالانە نێزیكی ( 20118) دونەمێن ئەردی ژلایێ جوتیارێن پارێزگەها دهۆكێ ڤە دهێنە چاندن).
ناڤهاتی ئەو چەندە ژی دازانین، دگەل گەهشتنا بەرهەمێ ناڤخۆ یێ تری وەكو پشتەڤانی بۆ جوتیاران، حكومەتا هەرێمی بریارێ ددەت بەرهەمێ تریێ بیانی بهێتە قەدەغەكرن بۆ ناڤ بازاری و ڕۆژانە ژی ئەڤ بەرهەمێ ناڤخۆ دێ بوو پارێزگەهێن دی یێن ئیراقێ هێتە رەوانەكرن و گۆت (نێزیكی 125 جۆرێن تری ل پارێزگەها دهۆكێ هەنە و ب مەرەما پەیداكرنا بازاڕی و نیشاندانا ڤی بەرهەمی سالانە ب پشتەڤانیا حكومەتا هەرێما كوردستانێ فیستەڤالەكا تایبەت ب بەرهەمێ تری وهنگڤینی دهێتە ڤەكرن وپتری 50 توخمێن تری و هنگڤینێ سرۆشتی وخۆمالی یێن گۆندو چیایێن كوردستانێ ژی تێدا دهێنە نیشاندان).
