بەرەڤانەکێ ریال مەدرید دخوازیت ل دووماھیا ڤی وەرزی پێکھاتیێ یانێ ب جهـ بھێلت
ئەڤرۆ نیوز:
بەرەڤانێ ھەلبژارتیێ فرەنسا و یانا ریال ڤاران حەزا چوونا خوە ل دووماھیا ڤی وەرزی ژ پێکھاتیێ وێ یانێ دیارکریە.
رۆژناما لیکیپ یا فرەنسی ئاشکراکریە رافائیل ڤاران دخوازیت ل دووماھیا ڤی وەرزی پێکھاتیێ یانا ریال مەدرید ب جە بھێلت پشتی کرنا ھەشت سالان ل گەل وێ یانێ و دخوازیت بەر ب خولەکا دی یا ئورۆپی ڤە بچیت .
ئەوێ رۆژنامێ ئاشکراکریە ژی ڤاران چ ئاریشە ل گەل کەسێ نین لێ ل دیڤ ئەو ژێدەرێن نێزیکی ئەوی بتنێ ئەو دخوازیت گوھورینەکێ د ژیانا خوە یا تەپا پێ دا بکەت و بەر ب خولەکا دی یا ئورۆپی ڤە بچیت.
ئەوێ رۆژنامێ ئاشکراکریە ژی دبیت ڤاران بەر ب یانا مانچێستەر یوناید یا ئنگلیزی بچیت ژبەرکو بەری نوکە ژی ئەوێ یانێ چەندین جاران بزاڤ کرینە بوو دەستڤە ئینانا ئەوی یاریزانی و ھەتا نوکە ب نەھێنی ڤە ژی ئەو یانە دانوستاندنان ل گەل رێڤەبەرێ وی یێ تایبەت دکەت.
