بەلاتینکا جوان
محسن قۆچان
«کوردێن بندەست،
وەلات و ملەتێ وان دپارچەکری،
دخازن برایینیا گەلان
ل سەر جیهانێ بسەپینن..
ب راستی خەوناکا نازکە».
بەلاتینکا جوان نازک،
نوی ژ کەڤلوژانکی دەرکەتی،
پەرێن وێ ئەلبۆما رەنگان،
هەمی دیمەنێن خەت ـ خەتی
ب کەرب و کین
پالا خۆ دا چیایێ گارەی
ژ زار دەڤێ خازگینیان بیت
ئەوێ دگوتێ» دێ جیهانێ هەرفینم
نفشێ هەبوونێ برینم،
یان جوانی و عشق
بلا بهێن شوونا پارەی».