ب بەرهەڤبوونا د. سالار عوسمان پەهلەوانییا پێنجێ یا شیانێن هزری ب ڕێڤەچوو
ب ئامادەبوونا د. سالار عوسمان، بەرپرسێ پشكا ڕەوشەنبیری و ڕاگەهاندنا پ. د. ك، و قونسلێ گشتی یێ وەلاتێ یابانێ ل هەرێما كوردستانێ و نوونەرێن دام و دەزگەهێن حكومی (پەهلەوانییا پێنجێ یا شیانێن هزری و زیرەكی)یێ ل هەولێرێ ب رێڤەچوو.
ئەڤ پەهلەوانییە ژ لایێ ڕێكخراوا ئارسان بۆ ڕاهێنان و ڕاوێژكاریێ ل باژێڕێ هەولێرێ هاتبوو گێڕان، كو ب ئامادەبوونا هژمارەیەكا بەرچاڤ ژ زارۆك، سنێلەیان و كەسوكارێن پشكداربوویان و كەسایەتیێن زانستی و پەروەردەیی ب ڕێڤەچوو.
ئامانج ژێ گەشەپێدانا شیانێن مەژی و هژمارەیی یا پشكداربوویان بوو، داكو وەكو پەهلەوانێن هزری لسەر ئاستێ جیهانێ نوونەراتیا شیانێن كوردستانێ بڕەخسینن.
جهێ ئاماژە پێكرنێ یە، ڕێكخراوا ئارسان ل سالا 2019 ئەركێ ناساندن و بەلاڤكرنا ڤی پرۆگرامی ب ستوویێ خۆڤە گرتییە، هەتا نوكە خودانا 200 راهێنەرایە 200 هزار زارۆك ژێ مفادار بووینە، ل سالا 2026 زارۆكەكێ كورد یێ ڤی پرۆگرامی پشكداری د هەڤڕكیا جیهانی یا تۆكیۆی كریە ل وەلاتێ ژاپۆنێ، كو بۆ جارا ئێكێ یە زارۆكەكێ كورد بگەهیتە هەڤڕكیەكا ب ڤی رەنگی.
