ب شەش تابلۆیان پشکداری د پێشانگەهێ دا کر
ئەڤرۆ نیوز ، زنار تۆڤی:
شێوەکارا کورد بەفرین رەشید بۆ ئەڤرۆ نیوز گۆت: کو وێ ب شەش تابلۆیان پشکداری د پێشانگەها تاما هونه‌ری دا کریە ل رۆژئاڤایێ باژێرێ له‌نده‌ن، ل گه‌له‌ریا زه ستودیۆ، کو پێشا‌نگەهەکا هەڤبه‌ش هاتبوو رێکخستن بۆ كۆمه‌کا هونه‌رمه‌ندێن شێوه‌كار ل جیهانێ.
ناڤهاتیێ گۆت ژی: ڤێ پێشانگەهێ حه‌فت شێوه‌كار، کو هه‌ر ئێک ژ پێشینه‌کا گەلەک جۆداتر ژ ئێک، هه‌ر ئێک ب تامەکا جۆداتر ژ ئێک د ئێک جهدا كۆمكربوون، کو وێ ب شه‌ش تابلۆیان پشکداری تێدا کربوو، تابلۆیێن وێ زێدەتر فیگه‌ر و ئینتیباعی بوون، پتریا وان زەیت ل سه‌ر كه‌نڤه‌س بوون، ب قه‌بارێن جۆدا. هەروەسا تابلۆیێن وێ تاما سروشتی پێڤه دیار بوون، هه‌ر ژ ره‌نگ و روویان ڤە، هەروەسا ئەڤ پێشانگەهە ئه‌زموونەکا تازه بوو بۆ وێ، چ ژ روویێ ناساندنا هونه‌رێ وێ ب خەلکەکێ دیتر، دیسان ژ ئالیێ ناساندنا شێوه‌كارێن جۆدا ب شێواز و هونەرێ وێ.
