ب فه‌رمى: ميسى بۆ باشترين هێرشبه‌ر نه‌يێ به‌ربژێره
ئه‌ڤرۆ نيوز:
ئێكه‌تيا ته‌پا پێ ل ئسپانيا ئه‌ڤرۆ ناڤێ سێ هێرشبه‌ران راگه‌هاند كو ل ئسپانيا دێ هه‌ڤركيێ ل سه‌ر ناسناڤێ باشترين هێرشبه‌ر ل سالا 2013-2014 دا كه‌ن.
هه‌ر ئێك ژ هێرشبه‌رێ يانا ريال مه‌دريد، كرستيانۆ رۆنالدۆ و هێرشبه‌رێ ئه‌تله‌تيكۆ مه‌دريد، ديێگۆ كۆستا، و هێرشبه‌رێ ريال سوسيداد، كالۆس ڤيلا، يێن هاتينه هه‌لبژارتن ئه‌وا بڕياره ل 27 ڤێ هه‌يڤێ كه‌سه‌كى وه‌كو باشترين ب هه‌لبژێرن.
كرستيانۆ رۆنالدۆ، هێرشبه‌رێ ريال مه‌دريد هاته هه‌لبژارتن پشتى شيايى ل وه‌رزێ بۆرى دا، ژ ئه‌نجامێ 30 ياريان د خولا ئسپانيا دا، 31 گۆلا تۆمار بكه‌ت و وه‌كو باشترين هێرشبه‌رێ لاليگايێ هاتيه هه‌لبژارتن ب رێژه‌يا تۆماركرنا زێده‌تر ژ گۆله‌كێ د هه‌ر ياريه‌كێ دا كو ئه‌ڤه بوو هاريكاريا ريال مه‌دريد كرى ب كاسا ئسپانيا و شامپيۆن ليگ بهێته خه‌لاتكرن.
ستێرا هه‌لبژارتيێ ئسپانيا و ياريكه‌رێ نوكه يێ چێلسى ژى چوو د ناڤ ڤێ قاره‌مانيێ دا پشتى شيايى د 35 ياريان دا، 27 گۆلان تۆمار بكه‌ت د خولا ئسپانيا دا و يێ هاريكار بوو ل گه‌ل تيما خوه بۆ ب ده‌ستڤه‌ئينانا ناسناڤێ خولا ئسپانيا، پشتى كو 18 سالان نه‌شيايى ب ده‌ست خوه ڤه بينيت، ئه‌وێ ئه‌ڤ ساله بۆ چێلسى ل ژێر سه‌رپه‌رشتيا مورينهۆى هاتيه ڤه‌گوهاستن.
يێ دووماهيێ ژى هێرشبه‌رێ ريال سوسيداد هاته هه‌لبژارتن پشتى ل وه‌رزێ بۆرى ئاسته‌كێ جوان پێشكێش كرى و شيايى ل وه‌رزێ بۆرى 16 گۆلان ل خولا ئسپانيا تۆمار بكه‌ت.
ياريكه‌رێ ئه‌رژه‌نتينى ليۆنێل ميسى د ناڤ ڤان كه‌سان دا نه‌هاتيه هه‌لبژارتن، سه‌ره‌راى وێ چه‌ندێ كو 28 گۆل ل خولا ئسپانيا ل گه‌ل به‌رشه‌لۆنا تۆمار كربوون.
