ب مەرج ھەڤبەستا خوە بۆ پێنج سالێن دی درێژکر
ئەڤرۆ نیوز:
پشتی چەندین دانوستاندان یانا ئەی سی میلان ل دووماھیێ گەھشتە رێککەفتنێ ل گەل گولچیێ خوە یێ گەنج جیانلویچی دوناروما بۆ نووکرنا ھەڤبەستا خوە ل گەل یانا میلان بۆ ماوێ پێنج سالێن دی پشتی ل ماوێ بوری گولچیێ ناڤبری بریار دای ئەو ھەڤبەستا یانا خوە نوو ناکەت و جەماوەرێ میلان ب خائین دانای و رەخنەیەکا مەزن ژلایێ راگەھاندن و جەماوەرێ وەرزشی ل ئیتالیا ل ڤی گولچیی ھاتەگرتن و دوھی د ژمارا خوە یا دووماھیێ دا رۆژناما لاگازیتا دیلو یا ئیتالی ئێک ژ بەرنیاسترین رۆژنامەیێن وەرزشی یە ل وی وەلاتی دەنگوباسەک بەلاڤەکر و تێدا دیارکر دونارما بۆ پێنج سالێن دی دێ گولا میلان پارێزیت. وێ رۆژنامێ ئاشکراکریە ژی میلان ھەڤبەستا گولچیێ خوە یێ گەنج ھەتا سالا ٢٠٢٢ درێژکریە و موچەیێ سالانە یێ ناڤبری دێ شەش ملیون یورۆ بن . ھەردیسان لاگازێتا ئاماژە ب وێ چەندێ ژی کریە کو دونارما مەرجەک دانایە بەر یانا میلان ھەکە وەرزێ بھێت میلان نەشیا دەربازی چامپیونیز لیگ بیت وی دەمی دێ وی ماڤێ ھەلوەشاندنا ھەڤبەستێ ل گەل یانا میلان ھەبیت ئەوژی ب کوژمێ ٥٠ ملیون یورۆیا لێ ھەکە میلان دەربازی چامپیونیز لیگ بوو دونارما داخوازا ھەلوەشاندنا ھەڤبەستێ بکەت وی دەمی ماڤێ میلانە کوژمێ پارەی دەست نیشانبکەت .
