ب مەرەما باشتر خزمەتكرنا وەلاتیان پارێزگارێ دهۆكێ ل گەل دەڤەردار و ڕێڤەبەرێن گشتـی كۆمبوو
ب سەرپەرشتییا د. عەلی تەتەر، پارێزگارێ دهۆكێ و ب بەرهەڤبوونا هەموو دەڤەردار و ڕێڤەبەریێن گشتی یێن ل سنوورێ پارێزگەها دهۆكێ، دوهی 11/10/2026 كۆمبوونەكا تایبەت ل دۆر نەهێلانا ڕوتینێ ل ڕێڤەبەرییان و باشتركرنا كاروبارێن وەلاتیان و بلندكرنا ئاستێ خزمەتگوزاریێن گشتی و نەهێلانا زێدەگاڤیان و بجهئینانا یاسایێ و پاراستنا ژینگەهێ و نەهێلانا دیاردا خازوكییێ هاتە ئەنجامدان.
د كۆمبوونێ دا تەوەرێن ناڤبری ب هووری هاتنە گەنگەشەكرن، پارێزگارێ دهۆكێ گوهداریا بەرهەڤبوویان كر، د دووڤ دا ڕاسپاردن، كو چاڤدێرییا پتر یا كاروبارێن ڕێڤەبەرییان و مامەلەیێن ڕۆژانە ب شێوەكێ باشتر و بلندكرنا ئاستێ هشیارییا پاراستنا ژینگەهێ و سامانێ سروشتی و بجهئینانا یاسایێ د كاروباران دا و نەهێلانا زێدەگاڤیان و دیاردا خازوكییێ بكەن.
دیسا هەر دوهی 11/10/2026 د. عەلی تەتەر، پارێزگارێ دهۆكێ پێشوازی ل نەوزاد هادی، بەرپرسێ مەكتەبا ڕێكخستنا پارتی ل نەینەوا و شاندێ د گەل كر و د ڕوونشتنەكێ دا بەحسێ ڕەوشا دەڤەرێ و پێشهاتێن نوو و پاراستنا ئارامی و سەقامگیریا دەڤەرێ و هەماهەنگی و پێشئێخستنا كاروبارێن ئیداری یێن هەڤپشك د ناڤبەرا هەردو پارێزگەهێن دهۆكێ ە نەینەوا دا ب مەرەما بجهئینانا داخوازیێن وەلاتیان و بلندكرنا ئاستێ خزمەتگوزارییان، ب تایبەت ل دەڤەرێن كوردستانی یێن دەرڤەی ئێدارا هەرێما كوردستانێ كر.
