ب هزاران پولیس دوبارە دێ ڤەگەرن سه‌ر كارێن خوه
ئەڤرۆ نیوز،بارزان مزووری:
سەروكێ جڤاتا پارێزگەها نه‌ينه‌وا دیار كر كۆ حەفت هزار پولیسێن پارێزگەها نه‌ينه‌وا یێن د سالا 2014 د شەرێ داعشێ دا هاتینە دوورخستن ژكارى، دوبارە دێ ڤەگەرێن بۆ سەر دەواما خوه .
سەیدو چەتۆ، سەروكێ جڤاتا پارێزگەها نه‌ينه‌وا بۆ ئەڤرۆ نیوز گوت:دگەل لیوا روكن حامد نامس رێڤەبەرێ پۆلیسێن پارێزگەها نه‌ينه‌وا گەهشتینە رێ چارەیەكێ بۆ ڤەگەریانا وان پۆلیسێن ل سالا 2014 ژكارى هاتینە لادان د شەرێ رێكخراوا تیرۆرستی یا داعشێ دا كو دوبارە ڤەگەرن بۆ سەر كارێن خوه.
ناڤهاتی خویاكركو:بریار هات دان ژلایێ رێڤەبەرێ پۆلیسێن نه‌ينه‌وا ڤە ل رۆژێن 21_22 شوباتێ سەرەدانا ئاڤاهیێ بەرێ یێ پۆلیسان بكەن ل تاخێ فەیسەلیە دناڤ سەنتەرێ باژێرێ مووسلێ دا دا دوبارە چاڤپێكەفتن دگەل وان پۆلیسان بهێته كرن وهەر پۆلیسەكێ بڤێت دێ دوبارە ناڤێ وی هێت تۆماركرن ودێ زڤریتە سەر كارێ خوه.
گۆت ژى:ئەو پۆلیسێن ژ كارێ وان هاتینە لادان یێن ئاكنجیێن پارێزگەهێ ژ هەموو نەتەوان دگەهیتە 7 هزار پۆلیسان وداخواز ژوان دكەین ڤێ دەلیڤێ ژ دەست نەدەن وسەرەدانا جهێ هاتی دیاركرن بكەن دا بزڤرن سه‌ر كارێ خوه و خزمەتا وان یا چه‌ندين سالى ب هه‌روه نه‌چيت.
