ب وێنه: به‌رپرسه‌كێ توره یێ ئه‌لمانی ڤێ ره‌فتارێ دگه‌ل مێركلێ دكه‌ت
ئه‌ڤرۆ نیوز: ڤه‌ده‌ر ره‌شاڤایی:
به‌رپرسه‌كێ توره یێ هه‌رێما باڤاریا یا ئه‌لمانی پاسه‌ك تژی كۆچبه‌ر كرن و هنارتنه نڤیسینگه‌ها به‌رلینێ یا ئه‌نگێلا مێركل شیره‌تكارا ئه‌لمانیا.
پیته‌ر درێیه‌ر پارێزگارێ (للاندشۆت، باڤاریا) 31 كۆچبه‌رێن سوری كرنه د پاسه‌كێ دا و د گه‌شته‌كا 7 ده‌مژێری دا بۆ نڤیسینگه‌ها مێركلێ هنارتن، لدووڤ گۆتنا وی ئه‌ڤ بزاڤا وی بۆ ئاگه‌هداركرنا مێركلێ یه كو ئه‌و ئێدی ” نه‌شێن بسه‌رێكڤه بینن” و ئێدی كۆچبه‌ران وه‌رگرن.
ناڤهاتی گۆت ئه‌و دێ ژ به‌ریكا خوه پارێ ئۆتێلێ بۆ شه‌ڤا ئێكێ یا په‌نابه‌ران ل به‌رلینێ ده‌تن، و لێ پاشی یا دی خه‌ما به‌رلینێ یه و هه‌رێما وی نه‌شێت وان كۆچبه‌ران بحه‌وینیت.
هه‌ر وه‌كی د وێنان دا دیار بووی، ل وی ده‌می دا كۆچبه‌رێن سوری ب دێمه‌كێ خه‌مبار و ب دودلی ڤه ل ڤێ ره‌وشا خوه د نێرین.
