ب وێنه .. رۆژا جیهانیا فوتوگرافى ل هه‌ولێر هاته ساخكرن
ئه‌ڤرۆ نیوز، نه‌وزاد هلۆرى:
ب به‌رهه‌ڤبوونا كونسولێ گشتیێ وه‌لاتێ بریتانیا و رێڤه‌به‌ریا گشتى یا ره‌وشه‌نبیرى و هونه‌رى ل هه‌ولێر، رێكخراوا كوردستان فوتو رابوو ب ساخكرنا رۆژا جیهانیا فوتوگرافى و تێدا هژماره‌كا فوتوگرافه‌ران ب نیشاندانا فوتویێن خوه پشكداربوون.
شێرزاد ره‌سول، جێگرێ رێكخراوا كوردستان فوتو بۆ ئه‌ڤرۆ نیوز گۆت: (ئه‌ڤرۆ ب هه‌لكه‌فتا رۆژا جیهانیا فوتوگرافى و ب به‌رهه‌ڤبوونا كونسولێ وه‌لاتێ به‌ریتانیا و رێڤه‌به‌ریا گشتى یا ره‌وشه‌نبیرى هه‌ولێر و هژماره‌كا داموده‌زگا و كه‌سایه‌تى و ره‌وشه‌نبیر و فوتوگرافه‌ران، رێكخراوا كوردستان فوتو رابوو ب ساخكرنا روژا جیهانیا فوتوگرافى).
زێده‌تر گۆت: (ئه‌ڤ رۆژه ل بن درووشمێ ئه‌ڤینا هه‌وه بۆ فوتوى دێ به‌لاڤ كه‌ین، ب پشكداریا فوتوگرافه‌رێن نافخوه و ده‌رڤه‌یێ كوردستان و عیراقێ ب رێڤه‌چو، دیسان پێشانگه‌هه‌كا مودێل د بۆ پێننج فوتوگرافه‌ران ژى هاته ڤه‌كرن كو پێكهاتبوو ژ 25 فوتویان و كامیرا و نوترین جور و دیزاینێ، وان ژى هاتنه نیشاندان).
