ب وێنه – فیسته‌ڤالا سه‌ر به‌فرێ ل چومان ب رێڤه‌چو
ئه‌ڤرۆ نیوز، نه‌وزاد هلورى:
رێڤه‌به‌ریا گه‌شتوگۆزارا چومان ئه‌ڤرۆ شه‌مبيێ 2/2/2019، ب هه‌ڤكاریا كومپانیا (ڤى كوردستان) و چه‌ند كومپانیه‌كێن عیراقى و نیڤده‌وله‌تى پێنجه‌مین ڤیسته‌ڤالا سه‌ر به‌فرێ ئه‌ىنجامدا و تێدا كومه‌كا چالاكیان هاتنه ئه‌نجامدان.
ئه‌حمه‌د قادر، قایمقامێ قه‌زا چومان بۆ ئه‌ڤرۆ نیوز گۆت: (ئه‌ڤرۆ ل ژێرچاڤدێریا قایمقامیه‌تا قه‌زا چومان و رێڤه‌به‌ریا گه‌شتوگۆزارا چومان ب هه‌ڤكاریا كومپانیا ڤى كوردستان و چه‌ند كومپانیه‌كێن عیراقى و نیڤده‌وله‌تى پێنجه‌مین ڤیسته‌ڤالا سه‌ر به‌فرێ ب رێڤه‌چوو و تێدا كومه‌كا چالاكیان هاتنه ئه‌نجامدان و هژماره‌كا زور یا یاریكه‌رێن سكێ به‌فرێ ل نافخوه و ده‌رڤه‌یێ كوردستانێ پشكداربوون).
زێده‌تر گۆت: (مه‌ره‌م ژ ئه‌نجام دانا ڤیسته‌ڤالێ ئه‌وبویه كو گه‌شه‌پێدانێ ب كه‌رتێ گه‌شتوگۆزارا ده‌ڤه‌رێ بده‌ین و ب رێیا ئه‌نجامدانا ئه‌ڤان ڤیسته‌ڤالا خه‌لكه‌كێ زور بو سنوورێ قه‌زا چومان بكێشین و داهاته‌ك بو خه‌لكێ ده‌ڤه‌رێ ده‌ستڤه بهێت).
