ب وێنه.. كوردێن ئێزدی ل باشیكێ ئه‌و په‌رستگه‌هێن هاتینه هه‌رفاندن ئاڤادكه‌نه ڤه
ئه‌ڤرۆ نیوز:
كوردێن ئێزدی ل باشیكێ ب خوه‌به‌خشانه ده‌ست ب ئاڤاكرنا وان په‌رستگه‌هان كرییه كو ژ ئالیێ رێكخستنا تیرۆرستی یا داعشێ ڤه هاتبوونه هه‌رفاندن.
رۆژانه گه‌نجێن باشیكێ كار ل سه‌ر ئاڤاكرنا په‌رسته‌گه‌هه‌كا وی باژاركی دكه‌ن و ل گۆر گۆتنا شاكر حه‌یده‌ر موجێور مه‌زاختنێن ئاڤاكرنا وێ په‌رستگه‌هی ژ ئالیێ هاریكاریێن خه‌لكێ باشیكێ ب خوه یه.
ئێزدیێن باشیكێ دخوازن بۆ ئێكه‌م جار د سێ سالان دا جه‌ژنا خوه ل مه‌ها بهێت ل په‌رستگه‌ها مه‌له‌ك میران بگێرن، لێ ل گۆری گۆتنا وان جه‌ژنا وان یا مه‌زن دێ هنگی بیت ده‌مێ هه‌می كچ و ژنێن ئێزدی یێن د ده‌ستێ داعشێ دا دهێنه رزگاركرن.
خه‌لكێ سڤیلێ باشیكێ ل سالا 2014ێ به‌ری داعش باژاركێ وان داگیر بكه‌ت، شیابوون بره‌ڤن و ئاواره‌ی پارێزگه‌هێن دهۆك و هه‌ولێرێ ببن و هه‌تا نها ژی گه‌له‌ك ژ وان نه‌ڤه‌گه‌ریانه مالێن خوه.
هێزێن پێشمه‌رگه‌یێ كوردستانێ ل چریا دووێ یا پارسال باشیك رزگار كربوو و نها ژی ئێمناهییا وێ دپارێزن.
