ب وێنه: چواره‌مین فلمه فیسته‌ڤالا دهۆك
ئه‌ڤرۆنیۆز، هه‌رهین محه‌مه‌د:
ئه‌یوب ره‌مه‌زان رێڤه‌به‌رێ رێڤه‌به‌ریا ره‌وشه‌نبیرى و هونه‌رى د چاره‌مین فلمه فیسته‌ڤالا دهۆك یا نێڤده‌وله‌تى گۆت: ل بن سیبه‌را قه‌هره‌مانیا پێشمه‌رگه‌ى و خوینا شه‌هیدان و ب پشته‌ڤانیا سه‌روكى َحكومه‌تا هه‌رێما كوردستانێ و پارێزگه‌رێ دهۆكێ چاره‌مین فلمه‌فیسته‌فالا دهۆكێ یانیڤ ده‌وله‌تى دێ هێته گێران هه‌رچه‌نده هه‌رێما كودستانێ دقه‌یرانه‌كا دارایى و دشه‌ره‌كێ دژواردایه دژى رێكخراوا تیرورستیا داعش وئارمانجا وان ئه‌وه ناسنامه وكه‌لتورێ ڤى ملله‌تى ژناڤ ببه‌ن، له‌ورا یا پێدڤى وه‌كو سازیێن كه‌لتورى و وه‌زاره‌تێن ره‌وشه‌نبیرى پتر بزاڤێ بكه‌ین كو گه‌شه‌پێدان و وه‌رار دبوارێ هونه‌رى دا به‌رده‌وام بیت و به‌رب پێشڤه به‌ین داكو ئارمانجێن نه‌حه‌زان ب جه نه‌هێن گۆت ژى: سینه‌ما ژى تشته‌كێ گرنگه بۆ تێكه‌لیان و ناساندنا گه‌لێ كورد ب جیهانێ له‌ورا مه گرنگیه كا تایبه‌ت دایه ڤى ره‌نگێ هونه‌رى هه‌تا راده‌یه‌كى سازیێن مه‌ژى شیاینه جهێ خوه دناڤ سینه‌ماكارێن جیهانى دا بكه‌ین ب رێیا فلمێن خوه و د فلمه فیسته‌ڤالێن جیهانى ده‌نه نیاسین.
گۆتژى: دراما توركى فارسى و ئه‌ره‌بى كونترولا خوه ل سه‌ر مێشكێ تاكه‌كه‌سێن كورد كریه و پتریا سازیێن مه یێن تیڤیان هه‌ولده‌ن وان به‌رهه‌مێن بیانى دوبلاژ دكه‌ن و دكه‌نه كوردى و ئه‌ڤ چه‌نده‌ژى كارتێكرنه‌كا مه‌زنه و دبینم گرنگیا كارى َدرامایى َگه‌له‌ك یا گرنگه، چونكو چاڤكێ كامیرێ ژ تڤه‌نگێ كێم تر نینه.
خالد دوسكى وه‌زیرێ ره‌وشه‌نبیرى گۆت: سه‌ره‌راى قه‌یرانا دارایى ئه‌م شیاین چاره‌مین فلمه فیسته‌ڤالا دهۆكێ ب گێرین و هه‌رچه‌نده هنده‌ك كه‌سان ل دهۆكێ حه‌زدكر فلمه‌فیسته‌ڤالا دهۆكێ نه‌هێته گێران، لێ فیسته‌ڤال هاته گێران و ب ئانه‌هیا خودێ دێ فلمه فیسته‌ڤالا پێنجێ و شه‌شێ و حه‌فتێ ژى هێته گێران و دێ دبه‌رده‌وام بین.
گۆت ژى: ئه‌نجام دانا فیسته‌ڤالێ ره‌وشه‌كا دى هه‌یه و پشت راست دكه‌ت كو ژیان و ژیار ل كوردستانێ یا ئاسایى یه.
فه‌رهاد ئه‌مین پارێزگه‌رێ دهۆكێ گۆت: خوشحالم ئه‌ڤ چالاكیا هونه‌رى و رێكخستى ل پارێزگه‌ها دهۆكێ دهێته ئه‌نجام دان سه‌ره‌راى هه‌موو قه‌یرانا ئه‌وێن ب سه‌ر هه‌رێما كوردستانێ دا هاتین و ئه‌م هه‌موو دزانین فشارا هه‌ره مه‌زن ل سه‌ر پارێزگه‌ها دهۆكێ كریه و ئه‌م شیاین چاره‌مین فلمه فیسته‌ڤالا دهۆكێ بگێرین ب پشته‌ڤانیا سه‌روكێ حكومه‌تا هه‌رێما كوردستانێ.
حسێن حه‌سه‌ن ده‌رهێنه‌رێ فلمێ ره‌شه‌با گۆت: هیڤى دكه‌م ئه‌گه‌ر كێماسیه‌ك دفلمێ ره‌شه‌با دا هه‌بیت لێ بورینێ دخوازم و حه‌زدكه‌م ب دلێ وه بیت و به‌رى ره‌شه‌با چێبیت ئه‌ز مژوولى نڤیسینا چیروكه‌كا دى بووین پشتى ئه‌ڤ كاره‌ساته ب سه‌رى كوردێن شنگال هاتى كارتێكرنه‌كا مه‌زن ل مه‌كر نه‌شیاین چو په‌یڤێن دى بنڤیسین و ئه‌و سیناریویا مه دنڤیسى ژمه‌خاست وى ب راوه‌ستینین و ل سه‌روى َرودانێ بنڤیسین یاكو ب سه‌رێ كوردێن ئیزدى و خه‌لكێ شنگالێ هاتى مه فه‌ردیت ئه‌ڤ چه‌نده پارچه‌كا گرنگه و پارچه‌كه ژمه ڤه بووى له‌ورا رابووین ب چێكرنا فلمێ ره‌شه‌با.
