ب وێنه: چێلسى بوو ڤه‌گوهاستنێن بهێت دێ ب هێز هێته دناڤ بازارێ ڤه‌گوهاستنا یاریزانان دا
ئه‌ڤرۆ نیوز:
پشتى ئێكه‌تیا ته‌پا پێ یا فیفا سزایێ ئینانا یاریزانان ل سه‌ر یانا چێلسى راكرى و ده‌رگه‌ه بوو ڤه‌كرى بۆ ڤه‌گوهاستنێن بهێت هه‌ڤبه‌ستێ ل گه‌ل یاریزانێن نوو ئیمزا بكه‌ت پشتى ل هه‌ردو ڤه‌گوهاستنێن بورى نه‌شیاى هه‌ڤبه‌ستێ ل گه‌ل چ یاریزانان ئیمزا بكه‌ت.
هه‌ر ل گه‌ل وێ بریارێ ده‌سته‌یا كارگێریا یانا چێلسى ده‌ست ب لڤینا كر بوو ده‌ستڤه ئینانا چه‌ند یاریزانێن نوو بۆ ڤه‌گوهاستنێن زڤستانا بهێت بوو ب هێز ئێخستنا پێكهاتیێ خوه پشتى ل ڤه‌گوهاستنێن بورى ب سه‌رپه‌رشتیا راهێنه‌رێ خوه یێ نوو لامپارد پشت به‌ستن ل سه‌ر یاریزانێن خوه یێن به‌رى نوكه كرى و هه‌ردیسان ده‌ست ژ سێ یاریزانێن خوه به‌رده‌ى ژ ئه‌وانا هه‌ردو یاریزانێن به‌رنیاس هازارد و ئه‌لڤارو موراتا .
راپورتێن رۆژنامه‌ڤانى دیاركرینه یانا به‌رپرسێن وێ یانێ ل سه‌ر داخوازیا راهێنه‌رێ خوه و لژنه‌یا تایبه‌ت ب یاریزانان ڤه بریاره ل ماوێ بهێت دانوستاندنان ل گه‌ل پێنچ یاریزانێن به‌رنیاس ل سه‌ر ئاستێ ئورۆپا بكه‌ت بوو رازیكرنا ئه‌وان بۆ ئیمزاكرنا هه‌ڤبه‌ستا وێ یانێ ل ڤه‌گوهاستنێن زڤستانا بهێت.
ئه‌و یاریزانێن یانا چێلسى ده‌ست نیشانكرین ئه‌وێن خوارێ نه
ویلفرید زاها (كریستال پالاس)
زاها نوكه دهێته هژمارتن ئێك ژ به‌رنیاسترین ستێرێن خۆلا ئنگلته‌را ل هه‌ردو وه‌رزێن بورى و ل هاڤینا بورى ئه‌و یاریزان ببو جهێ گرنگیا چه‌ندین یانێن به‌رنیاس ل سه‌ر ئاستێ ئورۆپا ژ ئه‌وانان مان یونایتد و ئه‌رسینال گه‌له‌ك بزاڤكربوون بۆ وى یاریزانى لێ ژبه‌ر بهایێ هه‌لوه‌شاندنا وى یا بلند كو 80 ملیون جێنێ ئیسترلینى بوون ئه‌و یانه نه‌شیان هه‌ڤبه‌ستێ ل گه‌ل ئیمزا بكه‌ن لێ ده‌نگوباس وه‌سا دیاردكه‌ن یانا چێلسى دێ ل ڤه‌گوهاستنێن بهێت وى كوژمێ پاره‌ى ده‌ته یانا وى بوو ڤه‌گوهاستنا وى یاریزانى.
موسا دێمبیلی (لیون)
موسا دێمبیلى بوویه ئێك ژ ئارمانجێن راهێنه‌رێ چێلسى كو ل ڤه‌گوهاستنێن بهێت هه‌ڤبه‌ستێ ل گه‌ل ئیمزا بكه‌ت هه‌ر چه‌نده رێیا ده‌ستڤه ئینانا وى یاریزانى بوو وێ یانا له‌نده‌نى یا ب سانه‌هى نابیت ژبه‌ركو هه‌ڤركه‌كا ب هێز ل گه‌ل وێ یه بوو ده‌ستڤه ئینانا وى یاریزانى ئه‌وژى یانا مانچێسته‌ر یونایتد كو ژ هاڤینا بورى وه‌ره ئه‌و یاریزان كریه ئارمانجا خوه.
جادون سانشو (بوروسیا دورتموند)
ستێرا گه‌نچ یا ئنگلیزى و یانا بوروسیا دورتموند جادون سانشو ژى بوویه جهێ گرنگیا یانا چێلسى هه‌ر چه‌نده یانا دورتموند ناخوازن ل ڤى ده‌مى ده‌ستا ژ وى یاریزانێ خوه به‌رده‌ت لێ به‌رپرسێن یانا چێلسى به‌رهه‌ڤیا خوه دیاركریه بوو وى یاریزانى به‌رامبه‌ر كوژمه‌كێ مه‌زن.
بێن شیلویل (لیستر سیتی)
راهێنه‌رێ یانا چێلسى نوكه ب ئاستێ یاریزانێ خوه یێ هێلا به‌ره‌ڤانیا لایێ چه‌پى ئه‌لنسو رازى نینه و دخوازیت ل جهێ وى هه‌ڤبه‌ستێ ل گه‌ل یاریزانه‌كێ نوو ئیمزا بكه‌ت كو یاریزانێ هه‌لبژارتیێ ئنگلته‌را و یانا لیسته‌ر سیتى تشیلویل كریه ئارمانجا خوه بوو ڤه‌گوهاستنێن بهێت.
ناتان ئاكى (پورنموس )
یانا چێلسى پێدڤى ب به‌ره‌ڤانه‌كێ نوویه كو راهێنه‌رێ یانێ بوو به‌رپرسێن یانێ دیاركریه ئه‌و پێدڤى به‌ره‌ڤانه‌كێ نوویه بۆ ماوێ بهێت و به‌رپرسێن وێ یانێ هزر ل ئینانا یاریزانێ خوه یێ به‌رى نوكه ناتان ئاكى كریه ئه‌وێ ل ماوێ بورى شیاى ئاسته‌كێ بلند ل گه‌ل یانا پورنموس پێشكێشكرى كو ئه‌وى یاریزانى ژ سالا 2012 هه‌تا 2017 یارى بوو یانا چێلسى كر لێ زوربه‌یا ئه‌وان پێنچ سالێن یارى بوو كرى د هاته ڤه‌گوهاستن بوو یانه‌كا دى ب شێوه‌یێ خواستن و ل 2017 وه‌ره په‌یوه‌ندى ب یانا پورنموس كریه .
