ب وێنه – گرۆپه‌كى خانیه‌ك بۆ خێزانه‌كا هه‌ژار درۆستكر
ئه‌ڤرۆ نیوز، نه‌وزاد هلۆرى:
گرۆپه‌كێ قه‌زا ئامێدیێ رابوویه ب درۆستكرنا خانیه‌كێ بۆ خێزانه‌كا هه‌ژار ل ده‌ڤه‌را به‌رێ گارێ و د رێورسمه‌كێ دا بۆ وێ خێزانێ هاته راده‌ستكرن.
حه‌جى عزه‌ت به‌رگاره‌ى،” به‌رپرسێ (گرۆپێ به‌رێ گارێ وارى مه‌یه) بۆ ئه‌ڤرۆ نیوز گۆت: (ژبه‌ركو خێزانه‌كا هه‌ژار ل ده‌ڤه‌را به‌رێ گارێ یا سه‌ر ب قه‌زا ئامێدیێ پێدڤى ب خانیه‌كێ بوو،و د ره‌وش و ژیانه‌كا نه‌خوه‌ش و خانیه‌كێ خراب و نه‌خوه‌ش دا دژیان و شیانێن درۆستكرنا خانیه‌كێ نه‌بوون ، مه وه‌كو گرۆپێ به‌رێ گارێ وارێ مه‌یه ب هه‌ڤكاریا كۆمه‌كا خێرخوازان بریار دا خانیه‌كێ نوو بو وێ خێزانێ درۆست بكه‌ین).
زێده‌تر گۆت: (پشتى كاركرنه‌كا زۆر، ئه‌م شیاین ب گۆژمێ 15 هزار دۆلاران خانیه‌كێ بۆ وێ خێزانێ درۆست بكه‌ین و راده‌ستى وێ خێزانێ هابكه‌ين و خودێ خێرا هه‌ر كه‌سه‌كى بنڤیسیت كو هه‌ڤكاربوون بو درۆستكرنا وى خانى).
دهێته زانین كو ئه‌و خێزان پێك دهێت ژ كه‌سه‌كێ دانعه‌مر وكوره‌ك وكچه‌ك كو سنێله‌نه ، ل رۆژا 8/7/2018 ده‌ست ب چێكرنا خانی هاتیه‌كرن كو ل سه‌ر شێواز و ستایله‌كێ سه‌رده‌میانه هاتیه چێكرن”.
