ب وێنە: ئەوان یانێن ئورۆپی و عەرەبی بنیاسن یێن ب فەرمی ھەڤبەست پێشکێشی یانا شورتە کری بوو میمی
ئەڤرۆ نیوز:
ستێرا گەنچ یا ھەلبژارتیێ عیراقێ و یانا شورتە موھند عەلی یێ بەرنیاس ب میمی نوکە بوویە جھێ گرنگیا چەندین یانێن بەرنیاس ل سەر ئاستێ ئورۆپا و یانێن عەرەبی بوو دەستڤە ئینانا شیانێن ئەوی .
یانا شورتە ب دیارکریە ھەتا نوکە ھەشت یانا ب فەرمی داخوازی پێشکێشی ئەوان کریە بوو دەستڤە ئینانا ھێرشبەرێ ئەوان کو ئەو یانێن ب فەرمی ھەڤبەست پێشکێشی ئەوان کری کو دو مەزنترین یانێن تورکی بوون ئەوژی گەلاتەسەرای کوژمێ بەرھەڤیا خوە دیاکریە دناڤبەرا ئێک ھەتا دو ملیون یورۆیا پێشکێشی ئەوان بکەن بوو دەستڤە ئینانا شیانێن ئەوی ھەردیسان یانا فەنەربخچە ژی ب فەرمی نڤێسینەک پێشکێشی ئەوان کریە لێ کوژمێ پارەی تێدا دیار نەکربوو.
ئەڤە ژی لیستەیا ئەوان یانێن دی یە ئەوێن ب فەرمی داخوازی پێشکێشی یانا شورتە عیراقی کری بوو دەستڤە ئینانا ھێرشبەرێ وی موھند عەلی
کالیاری یا ئیتالی کوژمێ ئێک ملیون یورۆ پێشکێشی شورتە کریە
چێنک یا بەلجیکی کو ئێک ژ بەرنیاسترین یانێن وی وەلاتی یە کوژمێ ٧٠٠ ھزار یورۆ.
ئێک ژ یانێن ماریبور یا سلوڤینی ٦٠٠ ھەزار یورۆ.
یانا دحێل قەتەری ب فەرمی بەرھەڤیا خوە دیارکریە ژ داخوازی گەھشت بیتە بەر دەستێ ئەوان ئەو ھەڤبەستەکا مەزنتر پێشکێشی ئەوان بکەن.
عەین یا ئیماراتی ٨٠٠ ھەزار یورۆ ھەردیسان مەرجەک ژی ھەکە یاریزان ل پاشەرۆژێ ھاتە فروتن ٢٠% ژ فروتنا ئەوی بدەنە یانا شورتە.
ھەردو یانێن مەزن ل مسر زەمالێک و ئەھلی لێ ھەردوکان کوژمێ پارەی د داخوازیا خوە دا دیار نەکربوو.
ھەردیسان سەبارەت ئەوان بروسیا دورتموند و یوڤانتوس یێن ئیتالی کو بەری نوکە ھاتبونە دیارکر گرنگی دایە شیانێن ئەوی یاریزانی ژێدەرەکێ نێزیک ژ یانا شورتە بوو مالپەرێ عیراقی یە دیارکریە چو داخوازی ب فەرمی نە گەھشتی نە بەر دەستێ ئەوان و داخوازیێن فەرمی بتنێ ئەو بوون ئەوێن ھاتینە دیارکرن .
