ب وێنە: حەفت یاریکەر دێ ل مێرکاتویا بھێت یانا بەرشەلۆنا ب بجھـ ھێلن
ئەڤرۆ،ھەژار مەعروف:
سەرارای برنا ناسناڤێ خولا ئیسپانیا و کاسا ئیسپانیا لێ ھژمارەکا یاریکەرێن یانا بەرشەلۆنا نە ئارامیا خوە ل گەل یانێ دیارکری یە ژبەر نەکرنا یاریێ ل وێ یانێ و دخوازن ل ڤەگوھاستنێن بھێت بەر ب یانەکا دی ڤە بچن بۆ پتر دەلیڤەیا کرنا یاریێ ھەبیت.
ئەو یاریکەرێن ل ماوێ بوری دیارکرین کو دێ ئەڤ وەرزە دووماھی وەرز بیت ل گەل یانا بەرشەلۆنا ژبەرکو داخوازن بەر ب یانەکا دی ڤە بچن و دەلیڤەیا کرنا یاریێ بو ھەبیت و فەرمی ئەڤان یاریکەران بۆ دەزگەھێن راگەھاندنێ دیارکری نە دێ بەرشەلۆنا ب جھـ ھلن و ئەڤ چەندە بوویە جھێ نە ئارامیا لویس ئەنریکی و دبیت ئەوژی دەستا ژ ئەوان بەردەت.
گولچیێ ئەلمانی شتیگێن کو دیارکریە ژبەر نەبوونا دەلیڤەیەکا باش ل یانا بەرشەلۆنا ئەو دخوازیت بەر ب یانەکا دی ڤە بچیت، چەند یانێن مەزن ل ئورۆپا ئارمانجا خوە کریە شتیگێن بۆ سالا بھێت ئەوژی یانێن مانچستەر یوناید و لیڤەرپول مانچستەر سیتی و پاریس سانجێرمان.
یاریکەرێ بەرازیلی دوگلاس پێرا ئێک ژ ئەوان یاریکەرێن بەربژارێن مەزنە ڤێ یانێ ب جھـ بھێلت ژبەرکو ھەر ژ ھاتنا وی ژ سالا بوری وەرە بتنێ ل وەرزێ ئەڤ سالە سێ یاریان پشکداری کری یە دخولا لالیگا دا ئەوژی وەکو یاریکەرەکێ پێگھور ئەڤە ژی وێ چەندێ گەھینت .
یاریکەرێ ھێلا بەرەڤانیا ھەلبژارتیێ بەلجیکا توماس فیرمالین ئێک ژ ئەوان یاریکەرانە ل ھاڤینا ئەڤ سالە بەر ب یانەکا دی ڤە بچیت کو ھەر چەندە ئەڤی یاریکەری ھەتا رادەکی جەنس ل گەل دا نەبوو تایبەت ل وەرزێ بوری توشی ھنگافتنەکا گران بوو نەشیا بوو ماوەکێ درێژ یاریێ بکەت ژبەر ھنگافتنێ بتنێ یاریەک ل وەرزێ بوری ل گەل یانا کەتەلونی کر و ل وەرزێ ئەڤ سالە دەلیڤەیا وی یا کێم بوو دەەـ یاریان پشکداری ل گەل یانا بەرشەلۆنا کر ژ ئەوانا شەش یاریان وەکو یاریکەرەکێ سەرەکی بوو، فیرمالین نوکە بوویە جھێ گرنگیا سێ یانێن بەرنیاس ل ئورۆپا دبیت ل ھاڤینا ئەڤ سالە بھێتە ڤەگوھاستن بۆ ئێک ژ ئەوان یانا ئەوژی لیڤەرپول ویستھام یوتاید یێن ئینگلیزی و یانا بەشکتاش یا تورکی.
بەرەڤانێ خودان شیان یێ بەرازیلی ئەدریانوی ژی حەزا خوە دیارکری یە ل ھاڤینا ئەڤ سالە بەر ب یانەکا دی ڤە بچیت ھەر چەندە دێ یا ب زحمەت بیت یانا بەرشەلۆنا و راھێنەرێ وێ لویس ئەنریکی دەستا ژ یاریکەرەکێ وەکو ئەدریانوی بەردەت ژبەرکو دھێتە ھژمارتن جوکەرێ تیما بەرشەلۆنا د یاریێ دا پتر ژ جھەکی دشێت یاریێ بکەت، ژبەر ڤێ چەندێ دبیت ئەنریکی بیتە رێگر د رێیا یاریکەرێ بەرازیلی دا، لێ یاریکەرێ بەرازیلی دیارکری یە ئەو نەشێت بەردەوام وەکو یاریکەرەکێ یەدەگ بیت و دخوازیت بەر ب یانەکێ ڤە بچیت وەکو یاریکەرەکێ سەرەکی بکەت کو ل وەرزێ ئەڤ سالە بتنێ ھەشت یاریان پشکداری ل گەل یانا بەرشەلۆنا کری یە و وەسا دھێتە زانین دێ ئەدریانو بەر ب خولا کاتیشو یا ئیتالی چیت و دێ ھەڤبەستێ ل گەل ئێک ژ یانێن روما،ناپولی یان لازیۆ ئیمزاکەت ل وەرزێ بھێت.
یاریکەرێ گەنج یێ ئیسپانی مارک پاترا ھەتا رادەکێ مەزن ڤەگوھاستنا وی ئێکلابوویە ل گەل یانا بەرشەلۆنا ئەوژی یانا بەرشەلۆنا گوھورتی یە ل گەل یاریکەرەکێ یانا ڤالنسیا و پاترا دێ ل وەرزێ بھێت یاریێ ل یانا ڤالنسیا کەت ھەر چەندە ھژمارەکا یانێن خولا ئینگلتەرا حەزا ئیمزاکرنا ھەڤبەستێ ل گەل ئەڤی یاریکەری ھەبوو ئەوژی لیڤەرپول مانچستەر سیتی و مانچستەر یوناید.
ئەلیکس ڤیدال یاریکەرێ ئیسپانی ئەوێ ل وەرزێ ئەڤ سالە ژ یانا ئەشبیلیا ھاتیە ڤەگوھاستن بۆ یانا کەتەلونی کو ئەو یاریکەرە ب فەرمی ل دەزگەھێن راگەھاندنێ دیارکری یە ئەو نە یێ ئارامە ل یانا بەرشەلۆنا و دێ یانا کەتەلونی ب جھـ ھێلیت کو ل وەرزێ ئەڤ سالە راھێنەرێ بەرشەلۆنا لویس ئەنریکی د چو یاریێن فەرمی دا پشت بەستن ل سەر نەکر نە وەکو یاریکەرەکێ پێگھور نە سەرەکی و ئەڤە چەندە بوویە جھێ تورەبوونا یاریکەرێ ناڤبری و ئێک ژ بەربژارێن ئێکێ یە یانا کەتەلونی ب جھـ بھێلت.
ھێرشبەرێ گەنج یێ ئیسپانی ساندرو رامێریز دخوازیت بەر ب یانەکا دی ڤە بچیت داکو دەلیڤەیەکا باشتر بخوە پەیدا بکەت ژبەرکو ئەو باش د زانیت ئەو ل یانا بەرشەلۆنا دەلیڤەیا خوە نەشێت بینت .