ب وێنە.. خوارنگەھەکا دھۆکێ ھاتە داخستن
ئەڤرۆ نیۆز، ئەمیر ئەترووشی:
لیژنا دوڤچوونا بازاری یا سەرب قائیمقامیا قەزا دھۆکێ ڤ، سەرەدانا چەندێن جھا ل دھوکێ کرن و د ڤێ سەرەدانێ دا خوارنگەھەک داخستن.
یوسف محمەد حەسەن بەرپرسێ لیژنا دووڤچوونا بازاری ل قائیمقامیا قەزا دھۆکێ بۆ ئەڤرۆ نیۆز ئاشکرا کر، ئەڤرۆ رۆژا چارشەمبی (٢٠١٨/١٢/١٩) لیژنا مە سەرەدانا خوارنگەھێن ھندرین و بابێ شەھاب و زێر و کارگەھا برایان یا چبسا و سەمونخانا جوتیار کرن و گۆت: خارنگەھا ھندرین ھاتە داخستن بۆ دەمێ سێ رۆژان و خوارنگەھا زێر ب ٢٠٠ ھزار دیناران ھات سزادان ژ بەر نە پێگریا وان ب رێنماێن ساخلەمیێ.
ئاشکرا ژی کر کو سەرەدانێن مە بۆ خوارنگەە و مارکێن و ھەموو فرۆشیارێن دھۆکێ د بەردەوامن و ھەموو ژی ژ نشکان ڤە دھێنە کرن، بۆ ھندێ ساخلەمیا وەلاتیان یا پاراستی بیت.
