ب وێنە – داهاتیێ ڤیستەڤالەکێ دێ بۆ ڤان کەسان بیت
ئەڤرۆ نیوز، نەوزاد هلۆری:
ب مەرەما خزمەتکرنا قوتابیێن کێم دەرامەت ، ئەڤرۆ سێشه‌مبى 27\2\2018 قوتابیێن زانکۆیا سۆران ، فاکۆلتیا ئەندازیاری ڤیستەڤالەکا تایبەت ب خوارنێن کوردی ل ناڤەندا زانکۆیا ناڤبری ئەنجامدا و داهاتیێ وێ دێ ب سەر قوتابیێن کێم دەرامەت هێتە به‌لاڤكرن.
جەگەر عەزیز، سەرۆکێ پشکا ئەندازیاریا په‌ترۆلێ ل زانکۆیا سۆران بۆ ئەڤرۆ نیوز گوت” ئەڤرۆ ب بەرهەڤبوونا هژمارەکا مه‌زن ژ مامۆستا و قوتابیێن پشکێن جودا ل زانکۆیا سۆران ، قوتابیێن فاکۆلتیا ئەندازیاری رابوون ب ئەنجامدانا فیستەڤالەکا تایبەت ب خوارنێن کوردی وتێدا هەموو مامۆستا و قوتابی دێ ب پارەکێ رەمزی وان خوارنان کرن و داهاتیێ وێ ژی دێ ل سەر قوتابیێن کێم دەرامەت یێن هەمان زانکۆ و فاکۆلتیێ هێتە به‌لاڤكرن”.
زێدەتر گۆت” د ڤیستەڤالێ دا زێدەتر ژ 40 جۆرێن خوارنێن کوردی هاتنە نیشاندان و زێدباری خوارنێن کوردی ، قوتابی ب جلكێن کوردی ، دێ چەند چالاکیێن دى ژی ئەنجامدەن مینا ستران و موزیك”.
