ب وێنە : شەش راھێنەر بەربژارن ل جھێ وی ھەکە یێ سەرکەفتی نەبوو
ئەڤرۆ نیوز:
شەش راھێنەرێن خودان شارازا ل سەر ئاستێ ئورۆپا بەربژارن ئەرکێ راھێنەریا یانا مەلەکی وەربگرن ل وەرزێ بھێت ھەکە راھێنەرێ نوکە یێ فەرەنسی زێدان ل وەرزێ ئەڤ سالە یێ سەرکەفتی نەبیت ل گەل یانا ریال مەدرید .
مورینو ھەتانوکە گرێدای چو یانا نینە و پەیوەندیێن باش ھەنە ل گەل سەروکێ یانا ریال مەدرید ھەکە زێدان یێ سەرکەفتی نەبیت مورینو بەربژارەکێ ب ھێزە.
پێب گواردیولا ھەر چەندە دیارکری یە ئەو دێ ل دووماھیا ڤی وەرزی بەر ب خولا ئنگلتەرا چیت تایبەت ل یانا مانچستەر سیتی لێ ھەتانوکە چو رێککەفتنین فەرمی نین .
راھێنەرێ ئیتالی یێ خودان شارازا مارشیلو لپی ئەو ژی نوکە گرێدای چو یانا نینە دبیت ب رێیا یانا ریال مەدرید جارەکا دی ڤەگەریتە دناڤا خولێن ئورۆپی
راھێنەرێ ھەلبژارتیێ ئەلمانیا یواکیم لوف ئێک ژ ئەوان راھێنەرایە گەلەک جاران ل یانا مەلەکی ھاتیە بەربژارکرن و پشتی قارەمانیا یورو دێ ھەڤبەستا وی ل گەل ھەلبژارتیێ ئەلمانیا ب دووماھی ھێت
دیگو سیمونی ھەر چەندە گرێدای ھەڤبەستا خوە یە ل گەل یانا ئەتلەتیکو مەدرید لێ د شیانێن یانا شاھەنادا ھەیە ئە وی بینتە ل گەل خوە ژبەرکو سیمونی مەرجەک ل گەل یانا خوە ھەیە بەری ھەڤبەستا وی ب دووماھی بھێت ئەو شێت بەر ب یانەکا دی بچیت
دیل بوسکی ئەو راھێنەرە ئەوێ حەژێکرنەکا تایبەت ل دەڤ جەماوەرێ یانا ریال ھەی
زێدان خودان ئەو یاریکەرە ئەوێ حەژێکرنا ھەمی پشتەڤانێن ڤێ یانێ بخوە کێشای و نوکە ھەمی جەماوەرێ یانا مەلەکی ب ھاتنا ئەوی یێ دلخوشحالە لێ دبیت ل دووماھیا ڤی وەرزێ ئەرکێ یانێ ب جھـ بھێلیت ھەکە نەیێ سەرکەفتی بی ل گەل یانا خوە
