ب وێنە – ل ڤێ نەخۆشخانێ پێدڤی یە ھوسا بچیە ژور
ئەڤرو نیوز ، نەوزاد زادە ھلۆری:
نەخۆشخانا گشتی یا بلێ ل دەڤەرا بارزان ئێکە ژ نەخۆشخانەیێن نوو لسەر شێوە و ستاندارەکێ پێشکەفتی ھاتیە چێکرن ، تشتێ کو نەخۆشخانا ناڤبری ژ نەخۆشخانەیێن دن جودا دکەت ئەوە کو ل نەخۆشخانا گشتی یا بلێ نوشدار و فەرمانبەر و نەخۆشێن سەرەدانا وێ دکەن دڤێت عەلاگان دانن سەر پیێن خوە.
دکتور ھەوار عەبدوللا رێڤەبەرێ نەخۆشخانا گشتی یا بلێ د داخویانەکێ دا بۆ ئەڤرو نیوز گۆت: (ب مەرەما پاقژ راگرتنا نەخۆشخانا بلێ د ھەموو وەرزێن سالێ دا ژ تووز و ھەریێ مە وەکو نەخۆشخانا گشتی یا بلێ ب فەر زانی کو ھەر کەسێ بچتە ژورڤەیا نەخۆشخانێ عەلاگەکێ بدانیت سەر پیێن خوە ئەڤجا چو نەخۆش بیت یان ژی نوشدار و فەرمانبەرێن نەخۆشخانێ بن ، و پێدڤی یە ھەموو کەس پێگیریێ پێ بکەن)
زێدەتر گۆت: (نەخۆشخانا گشتی یا بلێ نەخۆشخانەکا ٦٠ تەختی یە و لسەر شێوە و ستایلەکێ پیشکەفتی ئەڤە سالەکە ھاتیە دامەزراندن و ھێشتا چوو تشتەکێ وێ نەھاتیە شاندن و پیسکرن کو ئەڤ یەک ژی جھێ شانازیێ یە و دخوازین کو نەخۆش و فەرمانبەر زێدەتر پاراستنێ لسەر نەخۆشخانێ بکەن)
