ب وێنە : مێژویا موندیالا یانێن جیھانێ بزانە
ئەڤرۆ نیوز،ھەژار مەعروف:
ل رۆژا پێنچ شەمبیا بوری دەست ب ھەڤرکیێن موندیالا یانێن جیھانێ ھاتبووکرن ب ئەنجامدانا یاریا ھەردو یانێن عەین یا ئیماراتی کو نوونەرا مێڤاندارا قارەمانیێ و یانا تیم ویلنگتون یا نیوزلەندی قارەمانا کێشوارێ ئیقانوس کو کو یانا عەین دەربازی قوناغا دوێ بوو پشتی ب سەرکەفتی ل سەر یانا ویلنگتون ب لێدانێن سزا کو دڤێ یاریێ دا یانا نیوزلەندی دەستپێکێ پێشکەڤتی بوو ب سێ گولان لێ یانا ئیماراتی شیا سێ گولان ل دیڤ ئێک توماربکەت خوسارەتیا خوە بکەتە سەرکەفتن و چاڤەرێ دھێتەکرن ل رۆژا ئەڤرۆ یاریێن گەرا دوێ بھێنەکرن.
ھزرا ڤێ قارەمانیێ ل سالا ١٩٩٣ ھاتە پێشبینیکرن ژلایێ سەرۆکێ سەرۆکێ یانا ئەی سی میلان یێ بەری نوکە سیلفیو برلسکونی ھات دەمێ د کومبوونەکا لژنەیا تەنفیزی یا ئێکەتیا فیفا ل لاس ڤیگاس یێ ئەمریکا ھاتیەکرن و ئەڤ پێشبینی دا ئێکەتیا فیفا ب ئەنجامدانا موندیالا یانێن جیھانی سالانە و قارەمانێن ھەموو کیشواران پشکداری تێدا بکەن و ل سالا ١٩٩٩ ئەڤ بریارە ھاتە ب جە ئینان و ل سالا ٢٠٠٠ قارەمانیا ئێکێ دەستپێکر لێ پشتی وىَ قارةمانيىَ بوو ماوێ چار سالان ل دیڤ ئێک ھاتە قارةمانى هاتة راوستاندن ژبەر ئاریشەیێن دارایی سەر ب کومپانیێن ئێکەتیا نیڤدەولی یا فیفا.
دەستپێکێ بەرازیلیا کونترولا قارەمانیێ کر
ل موندیالا ٢٠٠٠ وەلاتێ بەرازیلی مێڤانداریا ڤێ قارەمانیێ کر و دڤێ قارەمانیێ دا ھەشت یانان پشکداری تێدا کربوو کو ژ کێشوارێ ئەمریکا باشور دو یانەبوون ئەوژی قارەمانا کاسا لیپێرتادوس ھەردیسان نوونەرا مێڤانداریا قارەمانیێ کو ھەردو بەرازیلی بوون و ھەردیسان ھەردو یانە ژی گەھشتە یاریا دووماھیا قارەمانیێ و د یاریا دووماھیێ دا کوروینسیانو پاولیستا ب لێدانێن
سزایێ سەرکەفت ل سەر جیرانا خوە یانا ڤاسکو دیگاما.
ل سالا ٢٠٠٥ جارەکا دی ڤێ قارەمانیێ دەست ب ھەڤرکیێن خوە کر ئەڤ جارە ب پشکداریا شەش یانان ھاتەکرن ل وەلاتێ یابانێ و ئەڤ جارە بتنێ قارەمانێن کێشواران پشکداری تێدا کر و بوو جارا دوێ ل دیڤ ئێک یانێن بەرازیلی شیان ناسناڤی د بەرژوەندیا خوە دا ب دووماھیی بینن پشتی یانا ساوپاولو سەرکەفتن ل سەر یانا لیڤەرپول تومارکری ب گولەکێ بێ بەرامبەر.
بەرازیلیا بوو جارا سیێ پاراست ٢٠٠٦
بوو جارا دوێ ل دیڤ ئێک وەلاتێ یابانێ شیا مێڤانداریا ڤێ قارەمانیێ بکەت و ئەڤ جارە ژی ب پشکداریا شەش یانان ھاتە ئەنجامدان کو دڤێ قارەمانیێ دا ژی یانێن بەرازیلی بوو جارا سیێ ل دیڤ ئێک شیان پاراستنا قارەمانیێ بکەن پشتی شیا د یاریا دووماھیێ دا سەرکەفتنێ ل سەر یانا بەرشەلۆنا توماربکەت ب گولەکێ بێ بەرامبەر.
موندیالا ٢٠٠٧
ل موندیالا ٢٠٠٧ جارەکا دی لژنەیا قارەمانیێ نوونەرا مێڤانداریا قارەمانیێ ڤەگەراند ڤە کو وەلاتێ یابان بوو جارا سیێ ل دیڤ ئێک مێڤانداریا قارەمانیێ کر و دڤێ قارەمانیێ دا پشتی یانێن بەرازیلی نەشیان بنە قارەمانا کێشوارێن خوە یانێن وی کێشواری نەشیان ھەیبەتا وی کێشواری پارێزن پشتی یانا بوکا جونیورس یا ئەرژەنتینی ل دووماھیا قارەمانیێ خوسارەت بووین ل سەر دەستێ یانا میلان یا ئیتالی و ئەو یانە شیان ئێکەم قارەمانی بوو کێشواری ئورۆپا توماربکەن و پشتی وێ قارەمانیێ یانێن ئورۆپی شیان چار قارەمانیێن دی ل دیڤ ئێک بەن ئەوژی
دناڤبەرا سالێن ٢٠٠٨ ھەتا ٢٠١١ ب ڤی شێوەیێ خوارێ
موندیالا ٢٠٠٨ یانا مانچێستەر یوناید شیا د یاریا دووماھیێ دا ب سەرکەفت ل سەر یانا لیگا دی کویتو یا ئیکوادوری ب گولەکێ بێ بەرامبەر .
ل موندیالا ٢٠٠٩ یانا بەرشەلۆنا شیا ب سەرکەفت ل سەر یانا ئاستودیانتس یا ئەرۆژەنتینی ب دو گولان بەرامبەر گولەکێ
ل موندیالا ٢٠١٠ یانا ئەنتر میلان یا ئیتالی شیا ب سەرکەفت ل سەر یانا مازیمبی ژ کومارا کونگو ب سێ گولان بێ بەرامبەر
موندیالا ٢٠١١ یانا بەرشەلۆنا شیا ناسناڤێ خوە یێ دوێ د مێژویا خوە دا ب دەستخوڤە بینت پشتی ئەڤ جارە شیای ل دووماھیا قارەمانیێ سەرکەفتنێ ل سەر یانا سانتوس یا بەرازیلی توماربکەت ب چار گولان بێ بەرامبەر
قارەمانی ڤەگەراندە ئەمریکا ڤە
کوروینسیانو پاولیستا یا بەرازیلی پشتی بورینا دوازدە سالان جارەکا دی شیا ڤێ قارەمانیێ ب دەستخوڤە بتە ڤە پشتی ل قارەمانیا ئێکێ دا شیا ناسناڤی ب دەستخوڤە بینت و ھەردیسان پشتی یانێن ئورۆپی شیان چار قارەمانیا ل دیڤ ئێک ناسناڤی ب دەستخوڤە ببەن ڤێ یانێ ل مونديالا 2012 شیا جارەکا دی وێ قارەمانیێ ژ دەستێ ئەوان بینتە دەری دەمێ ل یاریا دووماھیێ شیای ب سەرکەفت ل سەر یانا چێلسی یا ئنگلیزی ب گولەکێ بێ بەرامبەر.
ئورۆپیا کونترولا قارەمانی کر
ل موندیالا ٢٠١٣ یانا بایرن میونیخ شیا ناسناڤێ قارەمانیێ ب دەستخوڤە بینت پشتی د یاریا دووماھیا قارەمانیێ دا شیای سەرکەفتنێ ل سەر مێڤاندارا قارەمانیێ توماربکەت ب دو گولان بێ بەرامبەر.
ئیسپانیا کونترول دووماھیی چار قارەمانیان کریە
ھەر ژ سالا ٢٠١٤ ھەتا ٢٠١٧ یانێن ئیسپانی کونترولا ڤێ قارەمانیێ کریە کو ل سالا ٢٠١٤ یانا ریال مەدرید ل سەر کیستێ یانا سان لورینزو یا ئەرژەنتینی ب ناسناڤێ قارەمانیێ ھاتە خەلاتکرن پشتی ب سەرکەفتی ل سەر ب دو گولان بێ بەرامبەر و ل قارەمانیا ٢٠١٥ یانا بەرشەلۆنا شیا بوو جارا سیێ ڤێ ناسناڤی ب دەستخوڤە توماربکەت پشتی شیای ل دووماھیا قارەمانیێ ب سەرکەفیت ل سەر یانا رێڤەرپلێت ب سێ گولان بێ بەرامبەر و ل ھەردو قارەمانیێن دووماھیێ ئەوێن ل وەلاتێ ئیمارات ھاتینە ئەنجامدان یانا ریال مەدرید شیا ناسناڤی ب دەستخوڤە بەت کو ل موندیالا ٢٠١٦ ل سەر کیستێ یانا کاشیما یا یابانی ناسناڤ ب دەستخوڤەبر کو دڤێ یاری دا یانا مەلەکی زەحمەتەکا مەزن بر ھەتا شیای سەرکەفتنێ ل سەر یانا یابانی توماربکەت دەمێ ل دەمێ زێدەکری یێ یاری شیای سەرکەفتنێ ل سەر توماربکەت کو یاری ب وەکھەڤی ب دووماھیی ھاتبوو ب دو گولان لێ ل دەمێ زێدەکری ریال وەکھەڤیا خوە کرە ٤-٢ گولان و ل موندیالا ٢٠١٧ یانا ریال مەدرید شیا بوو جارا سیێ ناسناڤی ب دەستخوڤە بینت دەمێ شیای سەرکەفنتێ ل سەر یانا گریمو یا بەرازیلی توماربکەت ب گولەکێ بێ بەرامبەر.
