ب وێنە: ١٦ یاریزانێن کورد د کاسا سوید دا د پشکدارن
ئەڤرۆ،ھەژار مەعروف:
نوونەرا کوردان د خولا سوید یا تەپا پێ دا یانا دالکورد ئەوا ل وەرزێ ئەڤ سالە شیای دەربازی خولا پلا نایابا سوید بیت بوو جارا ئێکێ د مێژویا یانێ دا و ھەردیسان بیتە ئێکەم جار یانەکا کوردی د خولەکا مەزن یا ئورۆپا ا پشکدار بیت ب ناڤێ کوردستانێ و پێشکێشا کاسا سوید بوو وەرزێ ٢٠١٧-٢٠١٨ ھاتە کێشان پشتی یانێن پشکدار ژ قوناغا ئێکێ و دوێ دەربازبووین و قوناغا سیێ یا کاسا سوید ٣٢ یانە پشکدارن و دھێنە بەلاڤەکرن ل سەر ھەشت کومان کو نوونەرا کوردستانێ ژێ یانا دالکورد دەربازی ڤێ قوناغێ بوویە و جانسێ وێ یێ باش نەبوو ئەڤ سالە ژی کو دبیتە سالا دوێ ل دویڤ ئێک د کەڤتیە د کومەکا ب ھێز دا .
یانا دالکورد کەڤتیە د کوما ئێکێ دا کو پێکھاتی نە ژ یانێن مالمو ھەلگرا خولا سوید یا تەپا پێ ل وەرزێ ئەڤ سالە و وەرزێ بوری کو خودانا بلندترین ژمارا ناسناڤێن خولا سوید ئەوژی بیست جاران ب دەستخوڤە بریە و یانا بروما پیوکارنا قارەمانا خولا پلا ئێک و یانا گیفلە دخولا پلا ئێک دا پشکدارە و بریارە ھەڤرکیێن گەرا ئێکێ ل ١٧-١٨/٢/٢٠١٨ بھێنەکرن و یاریێن گەرا دوێ ل ٢٤-٢٥/٢/٢٠١٨ بن و یاریێن گەرا سیێ ل ٣-٤/٣/٢٠١٨ بھێنە ئەنجامدان و ھەر کومەکێ سەرکێشا کومێ دەربازی قوناغا ھەشتێ بیت و ھەلگرا کاسا سوید دێ پشکداری د قارەمانیا یورۆپا لیگ کەت بۆ وەرزێ ٢٠١٨-٢٠١٩ کو ئەڤ چەندە ژی باشترین دەلیڤەیە یانا دالکورد بشێت بریارە ڤێ قارەمانیێ خوە دەربازی ئێک ژ خەونێن خوە یێن ھەرە مەزن بکەت ھەر چەندە رێیا ئەوێ بو دەربازبوونێ بو قوناغا ھەشتێ دێ یا ب زەحمەت بیت لێ ژبیر نەکەین یانا مالمو ئێک ژ ئەوان یانا ھەر ل گەل ھەڤرکیێن ڤێ قارەمانیێ ژ سالا ٢٠٠٤ وەرە یانا مالمو نەشیا قارەمانیێ ب دەستخوڤە بینت .
د قوناغا ٣٢ ژ کاسا سوید ١٦ یاریزانێن کورد دێ پشکداربن ل گەل یانێن پشکدار کو ل یانا دالکورد سێ یاریزانێن کورد ئەوژی ژ باشورێ کوردستانێ نە ئەوژی رێوان ئەمین ژ باژێرێ دھۆکێ و پێشراو عەزیز و راویژ لاوان ژ سلێمانیێ و یاریزانێ کورد و د کوما دوێ دا یاریزنێ کورد ھەلبژارتیێ عیراقێ ئەحمەد یاسین کو خەلکێ باژێرێ خانەقین ل گەل یانا ئایک سولنا ستوکھولم پشکدارە و د کوما سیێ دا ل گەل یانا دیگروفوس یاریزانەکێ کورد ھەیە کو خەلکێ باشورێ کوردستانێ یە ئەوژی گوڤەند حەیدر و د کوما چارێ دا چار یاریزانێن کورد پشکدارن ئەوژی ل یانا ھاکێن ئەوژی مێرڤان چەلیک و دالاھور ئیراندوست ھەردیسان ل گەل یانا نوربی بوراس ھەردو یاریزانان عەباس محەمەد و کاردو ئاسو د کوما پێنجێ دا یاریزانێ ھەلبژارتیێ عیراقێ و کابتنێ یانا ئوسترسوند بروا نوری پشکدارە کو یاریزانێ ناڤبری ل وەرزێ بوری ناسناڤێ کاسا سوید ب دەستخوڤە تومارکربوو د کوما شەشێ دا یاریزانێ کورد و خەلکێ باکورێ کوردستانێ فەرھاد ئەیاز پشکدارە ل گەل یانا ئورۆبیرو ، د کوما حەفتێ دا ھەردو یاریزانێن کورد کاروان ئەحمەدی و شێرکو فایقی کو یاریێ بۆ یانا ئای کەی سیریوس کەن پشکدارن و د کوما ھەشتێ دا ل گەل یانا ھاماربی ھەردو یاریزانێن کورد یێن خەلکێ ھەرێما کوردستانێ ژیلوان حەمەد و رێبین ئەسعد یاری بۆ دکەن .
