ب وێنە: پشتی یاریێن حەفتیا ٢٤ ھەلویست و رەوشا خولا کوردستانێ بزانە
ئەڤرۆ نیوز،ھەژار مەعروف:
پشتی ب دووماھیی ھاتنا یاریێن ئەڤرۆ یێن گەرا ٢٤ ژ خۆلا پلا نایاب یا تەپا پێ یا یانێن کوردستانێ ھەلویستێ خولێ ھەتا رادەیەکێ بوو دو تیما ئێکلابوو کو پێشمەرگا ھەولێر بتنێ پێنگاڤەک مایە بوو برنا ناسناڤێ خولێ بۆ وەرزێ ئەڤ سالە و نوونەرەکا پارێزگەھا دھۆکێ ب فەرمی پاشڤە ڤەگەریا پلا ئێک ڤە پشتی کرنا یاریێ بوو سالەکێ د ناڤا ھەڤرکیێن خولێ دا و شەر ژی دناڤبەرا سێ یانێن دی ژی یێ بەردەوامە بوو پاشڤەزفرینێ.
یانا پێشمەرگە ھەولێر ب سەرکەفتنەکا گرنگ ژ سلێمانیێ ڤەگەریا پشتی ب سەرکەفتی ل سەر یانا پێشمەرگە سلێمانیێ ب دو گولان بێ بەرامبەر و بتنێ ل دو یاریێن بھێت پێشمەرگە ھەولێر پێدڤی ب ئێک خالە بوو مسوگەرکرنا ناسناڤێ خولێ کو نوکە ل سەرێ لیستا خولێ دھێت ب ٤٧ خالان و ھەڤرکا وێ یانا نەوروز ژی سەرکەفتنەکا گرنگ ل سەر یانا زێرەڤانی تومارکر ب گولەکێ بێ بەرامبەر و تیما نەوروز ل رێزا دوێ دھێت ب ٤١ خالان و تیما ئارارات خودانا سیێ وەکھەڤبو ل گەل یانا شێروانە بێ گول .
ژلایەکێ دیڤە یانا زاخۆ رەوشا خوە باشتر لێ کر بوو مانا خوە د خولێ دا پشتی شیای سەرکەفتنەکا گرنگ ل سەر ھەڤرکا خوە یانا برایەتی ل یاریگەھا خوە تومارکری ب گولەکێ بێ بەرامبەر کو ب ڤی ئەنجامی زاخۆ خالێن خوە گەھاندنە ٢٩ خالان ژ ئەنجامێن دی ھندرین ب سەرکەفت ل سەر دھۆک ب گولەکێ بێ بەرامبەر و ھەولێر ب سەرکەفت ل سەر ئارکری ب دو گولان بەرامبەر گولەکێ و گاز باکور ب سەرکەفت ل سەر دەربەندیخان ب گولەکێ بێ بەرامبەر .
شەرێ پاشڤەزفرینی و مانێ دخولێ دا یانا ئاکرێ نوونەرا پارێزگەھا دھۆکێ ل حەفتیا بوری ھیڤێن خوە ژ دەستداینە و ب فەرمی پاشڤەزفری یە خۆلا پلا ئێک کو نوکە ل رێزا ١٤ دھێت ب ١٤ خالان و نوکە شەر دناڤبەرا پێنچ یانێن دی یێ بەردەوامە بوو مانا خوە دخۆلێ دا ئەوژی یانێن گاز باکور خودانا رێزا ١٣ ب ٢٦ خالان و ھەولێر خودانا رێزا ١٢ یانا ھەولێر ٢٧ خالانە و برایەتی ل رێزا یازدێ ب ٢٧ خالان و ھەردو یانێن ھندرین و زاخۆ خودانێن رێزا دەھێ و نەھێ ب ٢٩ خالان
ھەلویستێ خولێ پشتی یاریێن گەرا ٢٤
١- پێشمەرگە ھەولێر ٤٧ خال
٢- نەوروز ٤١ خال
٣- ئارارات ٣٨ خال
٤- پێشمەرگە سلێمانیێ ٣٦ خال
٥- دھۆک ٣٣ خال
٦- شێروانە ٣٢ خال
٧- زێرەڤانی ٣١ خال
٨- دەربەندیخان ٣١ خال
٩- زاخۆ ٢٩ خال
١٠- ھندرین ٢٩ خال
١١- برایەتی ٢٧ خال
١٢- ھەولێر ٢٧ خال
١٣- گاز باکور ٢٦ خال
١٤ – ئاکرێ ١٤ خال
