ب وێنە: گرنگترین یاریێن ئەڤ شەڤە یێن یورۆپا لیگ و ئارمانجێن ئەوان بزانە
ئەڤرۆ نیوز:
چاڤەرێ دھێتەکرن ئەڤ شەڤە ل دەمژمێر ١٠:٠٠ شەڤ ھەر چار یاریێن ئێکێ ژ قوناغا ھەشتێ ژ قارەمانیا یورۆپا لیگ یا تەپا پێ بھێنەکرن کو یانێن ئنگلیزی و ئیسپانی کونترولا ڤێ قوناغێ کریە ئەوژی چار یانە د پشکدارن دو یانێن ئیسپانی ل گەل دو ئینگلیزی ھەردیسان ئێک ژ ھەر ئێک ژ وەلاتێن ئیتالیا و چیک و پورتوگال و ئەلمانیا .
د گوپیتکا یاریێن ڤێ قوناغێ دا بریارە یانا ئەرسینال ل یاریگەھا خوە ل لەندەن مێڤانداریا یانا ناپولی یا ئیتالی بکەت کو یانا ئەرسینال یا ھەموو بزاڤا دکەت بوو مسوگەرکرنا پلێتا دەربازبوونێ بوو قارەمانیا چامپیونیز لیگ د یاریا ڤێ قارەمانیێ دا ھەکە نەشیا د رێیا خۆلێ دا ئێک ژ پلێتێن دەربازبوونێ پەیدا بکەت کو مەترسی ل سەر ھەیە .
د یاریەکا دی دا یانا چێلسی دێ بیتە مێڤانا یانا سیلاڤیا براگ یا سلوڤینی کو چێلسی ژی ئەوا ب ھەمان سیناریویێ ئەرسینال یا ھەموو بزاڤا دکەت ب سەرکێشیا راھێنەرێ خوە یێ ئیتالی ساری بۆ برنا قارەمانیا یورۆپا لیگ و پلێتا دەربازبوونێ بۆ قارەمانیا چامپیونیز لیگ بۆ وەرزێ بھێت مسوگەر بکەت ژبەرکو دخۆلا ئنگلتەرا دا چار یانە نوکە یا ھەڤرکیا دو پلیتێن دەربازبوونێ بۆ قارەمانیا چامپیونیز لیگ دکەن لەورا ئارمانجا وێ و ئەرسینال بتنێ نوکە بوویە ئەڤ قارەمانی یە.
یانا ڤیاریال ئەوا نوکە د رەوشەکا لاواز دا بوریت دخۆلا لالیگا دی یا بزاڤێ دکەت ب رێیا ڤێ قارەمانیا ھەیبەتا خوە یا جاران ڤەگەرینت لێ ئەرکێ وێ یێ ب سانەھی نابیت ژبەرکو دێ یاریێ بەرامبەر جیرانا خوە یانا ڤالنسیا کەت ئەوا د رەوشەکا گەلەک باش دا بوریت ل وەرزێ ئەڤ سالە .
ل یاریگەھا خوە یانا بەنفیکا پورتوگالی دێ مێڤانداریا یانا ئەنتراخفت فرانکفورت یا ئەلمانی کەت.