ب وێنە: یاریزانەکێ عەرەب پێشکەڤت ل سەر میسی و رونالدو
ئەڤرۆ نیوز:
یاریزانێ ھەلبژارتیێ جەزائیر و یانا سەد یا قەتەری بەغداد بونەجاح پێشکەڤت ل سەر ھەر ئێک ژ میسی و رونالدو وەکو باشترین گولکەرێن جیھانێ ل سالا ٢٠١٨ .
رۆژناما سکای سپورتس ئاشکرا کر یاریزانێ ھەلبژارتیێ جەزائیر و یانا سەد بەغداد بونەجاح خودانێ رێژەیا ھەرە مەزن یا تومارکرنا گولان بوو ل گەل ھەلبژارتیێ خوە و یانا خوە ل سالا ٢٠١٨ پشتی یاریزانێ ناڤبری ل سالا ٢٠١٨ دا شیای ٥٩ گولان توماربکەت د ٤٠ یاریێن خوە یێن فەرمی دا ل گەل یانا خوە و ھەلبژارتیێ وەلاتێ خوە .
رێزا دوێ یاریزانێ ھەلبژارتیێ ئەرژەنتین و یانا بەرشەلۆنا لیونێل میسی بوو ئەوێ شیای ٥١ گولان توماربکەت د ٥٤ یاریان دا .
ستێرا پورتوگالی و یاریزانێ یانا یوڤانتوس کریستیانو رونالدو ل رێزا سیێ ھات ب تومارکرنا ٤٩ گولان د ٥٣ یاریان دا .
یاریزانێ پولەندی و یانا بایرن میونیخ لیڤاندوڤسی ل رێزا چارێ ھات ب تومارکرنا ٤٦ گولان د ٥٦ یاریان دا.
ھەژی گوتنێ یە بەغداد بونەجاح ل ماوێ چەند رۆژێن بوری ب فەرمی ھەڤبەستا خوە ل گەل یانا خوە سەد درێژکر سەرەرای چەندین ھەڤبەستێن یانێن ئنگلیزی گەھشتی نە بەر دەستێ وی لێ یاریزانێ ناڤبری ھەموو ھەڤبەست رەتکر و ھەڤبەستا یانا خوە ھەتا ٢٠٢٤ درێژکر
