ب ژمارە یوڤانتوس و خولا ئینگلتەرا ل رێزا ئێکێ نە د قارەمانیا یورۆیا ٢٠١٦
ئەڤرۆ نیوز،ھەژار مەعروف:
بریارە ل ھەشتی ڤێ ھەیڤێ دەست ب ھەڤرکیێن قارەمانیا یورۆیا ٢٠١٦ ل سەر ئاستێ ھەلبژارتیا بھێتەکرن کو دڤێ قارەمانیێ دا ٥٥٢ یاریزان پشکدارن ھاتیە بەلاڤەکرن ل سەر ٢٤ ھەلبژارتیا کو ٢٧٢ یاریزان ژ پێنج خولێن مەزن ل ئورۆپا ئەوژی ئینگلتەرا،ئەلمانیا،ئیتالیا،ئیسپانیا و فەرەنسا نە کو ب رێژەیا ٤٩.٥% .
رۆژناما لکیپ یا فەرەنسی راپورتەکا ب ژمارە و ب درێژی ل سەر پشکداریا یاریزان دیارکری یە کو ژ سەرجەمێ ئەوان ٥٥٢ یاریزانێن ئەوان ھەر ٢٤ ھەلبژارتیێن پشکدار یاریزانێن خولا ئینگلتەرا رێزا ئێکێ دھێن کو ١١٠ یاریزان ژ خولا ئینگلتەرا نە کو رێژەیا ٢٠% ژ خولا ئینگلیزی و خولا ئەلمانیا رێزا دوێ دھێت ب رێژەیا پشکداریا یاریزانێن وێ د قارەمانیا یورۆ دا ئەوژی ٥٨ یاریزانا و خولا ئیتالیا ب ٥٠ یاریزانا رێزا سیێ دھێت و سوپر لیگا تورکیا رێزا چارێ دھێت ب ٣٤ یاریزان و لالیگا ئیسپانیا ب ٣٢ یاریزان رێزا پێنجێ دھێت، خولا روسیا ب ٣١ یاریزانا رێزا شەشێ و خولا پلا ئێک یا ئینگلتەرا رێزا حەفتێ دھێت ب ٢٩ یاریزانان پاش ھەر ئێک ژ فەرەنسا ب ٢٢ یاریزانان و ئوکرانیا ب ٢١ یاریزان و سویسرا ١٥ یاریزانان .
یانا یوڤانتوس سەرکێشیا ھەمی یانێن ئورۆپی کر د پشکداریا یاریزانێن وێ د قارەمانیێ دا کو ١٣ یاریزانێن وێ د پشکدارن د قارەمانیا ئەڤ سالە یا یورۆ دا و یانا لیڤەرپول رێزا دوێ دھێت ب ١٢ یاریزانان، شەختار و توتنھام رێزا سیێ دھێن ب یازدە یاریزانان و فەنەربەخچە و ئەرسینال و مانچستەر یوناید ب دەە یاریزان رێزا چارێ دھێن و ھەردو یانێن بایرن میونیخ و بەرشەلۆنا رێزا پێنجێ دھێن ب نەە یاریزانان، ریال مەدرید و بازل و سیسکا موسکو رێزا شەشێ دھێن ب ھەشت یاریزانان.
ھەلبژارتیێ ئیرلەندا باشور خودانا رێژەیا بچووکترین یاریزانایە د قارەمانیا ئەڤ سالە دا کو ژیێ ئەوان زوربەیا ئەوان ژ یێ ئەوان ٢٥.٥ کێمترن و پاش ئینگلتەرا رێزا دویێ دھێت ٢٥.٨ پاش ئەلمانیا ٢٥.٩ و گولچیێ ھەلبژارتیێ مەجر جابور کیرالی مەزنترین یاریزانە د قارەمانیا ئەڤ سالە دا ئەوژێ ژیێ وی گەھشتی یە ٤٠ سالیێ و مارکوس راشفورد یاریزانێ ھەلبژارتیێ ئینگلتەرا ب بچووکترین یاریزان دھێتە ھژمارتن دڤێ قارەمانیێ دا کو ژیێ وی ١٨ سالە.
