ب ڤان رێيان خوه ژ په‌نجه‌شێرا قولونێ ب پارێزه
ئه‌ڤرۆنيوز:
په‌نجه‌شێرا قولونى ئه‌و په‌نجه‌شێرا ب مه‌ترسیداره كو ل سه‌ر ئاستێ جیهانێ ل رێزا سيێ دهێت و نوشداره‌كێ دهوكێ ب رێكا نوش نیوز به‌حسێ په‌نجه‌شێرا قولونێ دكه‌ت و د بێژیت: په‌نجه‌شێرا قولونێ ل سه‌ر ئاستێ جیهانێ ل رێزا سيێ دهێت و په‌نجه‌شێره‌كا مه‌ترسیداره.
چه‌كدار ئه‌حمه‌د داود، نوشدارێ تایبه‌تمه‌ندێ نه‌خوه‌شیێن په‌نجه‌شێرێ بۆ نوش نیوز گوت” نیشانێن هاتنا په‌نجه‌شێرا قولونێ ئه‌ڤه‌نه كو دێ ریڤیكێن مرۆڤى هێنه گرتن و زكێ مرۆڤى ئێشیت یان دێ خوین ل گه‌ل ده‌ستنڤێژا مرۆڤى هێت و ئه‌گه‌رێن هاتنا ڤێ نه‌خوه‌شیێ ئه‌ڤ چه‌نده یه كو : خوارنا نه ساخله‌م ژ ئاليێ مرۆڤى ڤه ب تایبه‌تى خوارنێن داگرتى (موعه‌له‌بات) ب تایبه‌ت ئه‌و خوارنێن بۆ ده‌مه‌كێ درێژ د میننه دسه‌لاجا و به‌رادان وئامیرێن ساركرنێ دا و ئه‌گه‌رێ دويێ : ڤه‌خوارنا مه‌يێ و كێشانا جگارێ و نه‌رگیلێ هوكارن بۆ هاتنا نه‌خوه‌شیا په‌نجه‌شێرێ ، چونكى جگاره و نه‌رگیله دبنه ئه‌گه‌ر په‌نجه‌شێرا هه‌ناسێ دروست بیت و ئه‌گه‌ره‌كێ دیتر كو : وه‌رزش نه‌هێته ئه‌نجام دان و ئه‌گه‌ره‌كێ دیتر كو كه‌سه‌كێ گه‌له‌ك تیشك كێشابن یان به‌رده‌وام نێزیكى تیشكێن مه‌زن و كاریگه‌ر بیت دبنه ئه‌گه‌رێ هاتنا نه‌خوه‌شیا په‌نجه‌شێرێ یان ژى ژ جیناتا كو گه‌له‌ك جاران روودايه كه‌سه‌كێ ژ نێزیكى خێزانێ نه‌خوه‌شیا په‌نجه‌شێرێ لێ هاتیه ڤه‌گۆهاستن یان ژى گه‌له‌ك جاران ژن هنده‌ك ده‌رمانێن هورموناتێن ژ ده‌رڤه دخوت و دبیته ئه‌گه‌ر بۆ هاتنا نه‌خوه‌شیا په‌نجه‌شێرێ و باشترین چاره‌سه‌رى بۆ نه‌خوه‌شیا په‌نجه‌شێرا قولونێ ئه‌و چه‌نده یه كو ل ده‌ستیێكا هاتنا ڤێ نه‌خوه‌شیێ دڤێت نه‌شته‌گه‌ریه‌ك بهێته كرن و پاشان جهێ نه‌خوه‌شیێ بهێته كه‌واندن
وى نوشدارێ تایبه‌تمه‌ندێ نه‌خوه‌شیا په‌نجه‌شێرێ ئه‌و چه‌نده ژى دیاركركو رۆژانه پتر ژسێ كه‌سان سه‌ره‌دانا مه دكه‌ن كو نه‌خوه‌شیا په‌نجه‌شێرا قولونێ بو دروست بوویه و هه‌ر ده‌مێ نه‌خوه‌ش زوو بهێته نك نوشدارى و چاره‌سه‌ریێ وه‌ربگریت، دێ نه‌خوه‌شیا په‌نجه‌شێرێ ژێ دوور كه‌ڤیت، لێ ده‌مێ زوو پێنه‌حه‌سیت و چاره‌سه‌ریێ وه‌رنه‌گریت، ئه‌و نه‌خوه‌شیه گران دبیت و دبیته ئه‌گه‌رێ مرنا وى كه‌سى و هیڤیه خه‌لكێ مه به‌رده‌وام د چه‌ند هه‌یڤان جاره‌كێ پشكنینه‌كێ بو خوه ئه‌نجام بده‌ن دا كو هه‌ر ده‌مێ نه‌خوه‌شیه‌كا ب ڤى ره‌نگى بۆ دروست ببیت زوو چاره‌سه‌ریێ وه‌ربگریت و ژیانا وى ژ مه‌ترسیێ دوور بكه‌ڤیت”.
ناڤبرى داخوازه‌ك ئاراسته‌ى حوكمه‌تا هه‌رێما كوردستانێ كر وگۆت” هيڤيدارين حوكمه‌تا هه‌رێمێ ئامیرێ كه‌واندنا نه‌خوه‌شیا په‌نجه‌شێرێ بۆ دهۆكێ دابین بكه‌ت، چونكه دهۆكێ ئه‌و ئامیر نینه و ل هه‌ولێر و سلێمانیێ يێ هه‌ى و ئه‌م نه‌خوه‌شێن خوه بۆ كه‌واندنێ ره‌وانه‌ى وان هه‌ردو باژێران دكه‌ین، لێ ژڤانێن وان پتر ژ (5) هه‌یڤان د دوورن و خه‌لكێ مه ژ نه‌چارى قه‌ستا وه‌لاتێ توركیا دكه‌ت له‌ورا هه‌كه ئه‌و ئامیره بۆ مه بهێنه دابینكرن، دێ باشتر خزمه‌تا خه‌لكێ پارێزگه‌ها دهۆكێ هێته كرن” .
