ب ڤیدیۆ: مەلکێ رۆما ل چار خولەکێن دووماھیێ دا ھاتە دناڤ یاریێ دا و شیا دو گولان توماربکەت
ئەڤرۆ نیوز:
ستێرا ئیتالی و یانا روما ئەوێ دھێتە بەرنیاسین ب ناڤێ مەلەکێ یانا روما فرانشیسکو توتی پشتی د یاریا شڤێدی دا ل خولەکا ٨٦ ھاتیە دناڤ یاریێ دا کو تیما وی یا پاشکەفتی بوو ب دو گولان بەرامبەر یانا تورینو، ھەر ل گەل ھاتنا وی دناڤ یاریێ دا و ب لێدانا ئێکێ ل سەر تەپی شیا گولا وەکھەڤیێ بۆ یانا خوە روما تومارکر و پشتی وێ ب خولەکا دی ب لێدانەکا پەنەلتی گولا خوە یا دوێ و یا سیێ یا تیما خوە تومارکر و شیا روما ژ خوسارەتیەکا مسوگەر قورتالبکەت بەر ب سەرکەفتنەکا گرنگ بیت .
ب ئەوان ھەردو گولان جەماوەرێ یانێ گەلەک کەیفخوش بوون ژبەرکو حەژێکرنا جەماوەرێ روما بۆ توتی گەلەک یا مەزنە و جارەکا دی توتی خوە دیارکر و شیا ب ئەڤان ھەردو گولان بەرسڤا راھێنەرێ خوە بدەت کو ئەو ھەژی کرنا یاریێ یە و د شیانێن وی دا یە ئەو بشێت یاریێ بکەت ھەر چەندە ئەو د ژیێ ٤٠ سالیێ دا یە ژی.
ھەژی گوتنێ یە ماوەکە پەیوەندی راھێنەرێ روما ل گەل توتی لاوازن بووینە و ل وەرزێ ئەڤ سالە پشت بەستنێ ل سەر ناکەت ئەڤ چەندە ژی بوویە جھێ نە ئارامیا کابتنێ روما توتی کو ھژمارەکا مەزن یا رۆژنامەیێن ئیتالی بەری نوکە دیارکری یە توتی دێ ل وەرزێ بھێت ژ نەچاری یانا روما ب جھـ ھێلت و بەر ب یانەکا دی ڤە چیت.
