ب ڤیدیو بینن : ریال مەدرید چاڤ ل یاریزانەکێ ١٦ سالی یێ بەرازیلی یە
ئەڤرۆ نیوز:
یانا ریال مەدرید پشتی ل دەستپێکا ڤی وەرزی ستێرا گەنچ یا بەرازیلی ڤینسیوس جونیو ڤەگوھاستی یە دناڤ رێزێن تیما خوە ژ یانا فلامینگو ب کوژمێ ٤٥ ملیون یورۆیا و وەسا دھێتە چاڤەرێکرن ئەڤی یاریزانی پاشەرۆژەکا گەش ل جیھانا تەپا پێ ھەبیت .
راپورتێن رۆژنامەڤانی ل بەرازیل و ئیسپانیا ئاشکرا کرینە یانا ریال مەدرید چاڤ ل ستێرەکا دی یا گەنچ یا بەرازیلی یە کو نوکە چاڤدێریا یاریزانەکێ ١٦ سالی یێ بەرازیلی دکەت و ئەوژی یاریزانێ ھێلا ناڤینا تیما دوێ یا فلامینگو رینیر جیسوس و کابتنێ ھەلبژارتیێ بەرازیل یێ تازە پێگەھشتیان .
ئەوان رۆژناما دیارکریە ژی رینیر ل چەند رۆژێن بوری ھەڤبەستا خوە یا ئێکێ یا پیشەکاری ل گەل یانا خوە ئیمزاکریە ھەتا سالا ٢٠٢١ کو وێ یانێ مەرجێ ھەلوەشاندنا ھەڤبەستا وی یاریزانی کریە ٧٠ ملیون یورۆ کو ھەر یانەکا بخوازیت ھەڤبەستێ ل گەل ئیمزا بکەت پێدڤی یە وی کوژمێ پارەی بدەتە یانا بەرازیلی.
ھەردیسان ھاتیە دیارکرن ژی یانا ریال مەدرید نوکە گرنگیەکا مەزن دایە شیانێن ڤی یاریزانی ھەر چەندە چەند یانێن دی ژ ل ئورۆپا چاڤدێریا ڤی یاریزانی دکەن ئەوژی ھەر ئێک ژ یانێن مانچێستەر سیتی و روما و یوڤانتوس لێ ھەتا نوکە ب فەرمی نین.
