ب ڤیدیو: ب ھاریکاریا ڤار مانچێستەر یوناید دەربازی قوناغا ھەشتێ بوو

ئەڤرۆ نیوز:
یانا مانچێستەر یوناید بەری دەمەکێ کێم شیا سەرکەفتنەکا گرنگ و مەزن ژ دەرڤەی یاریگەھا خوە ل سەر یانا پاریس سانجێرمان توماربکەت ب سێ گولان بەرامبەر گولەکێ ژ چارچوڤێ یاریێن قوناغا ١٦ ژ قارەمانیا چامپیونیز لیگ و دەربازی قوناغا ھەشتێ بوو ژ قارەمانیێ پشتی د سەرجەمێ ھەردو یاریان دا ب سێ گولان وەکھەڤبووی.
دڤێ یاریێ دا یانا مانچێستەر یوناید دەستپێکێ ل دەقیقا ٢ ژ یاریێ ب گولا یاریزانێ خوە یێ بەلجیکی لوکاکو پێشکەفت و پاش یاریزانێ پاریس سانجێرمان خوان بیرنات گولا وەکھەڤیێ ل دەقیقا ١٢ تومارکر و یانا مانچسَستەر جارەکا دی ب رێیا یاریزانێ خوە لوکاکو پێشکەڤتە ڤە ل دەقیقا ٣٠ گولا دوێ تومارکر و ل دەقیقا دووماھیێ ژ یاریێ ب ھاریکاریا ڤار دادڤانێ یاریێ لێدانەکا پەنەلتیێ بوو یانا مانچێستەر یوناید ھژمارتن و یاریزانێ وێ راشڤورد تێدا یێ سەرکەفتی بوو شیا گولا سێ و سەرکەفتنێ بوو یانا خوە توماربکەت.
ھەژی گوتنێ یە ل یاریا ئێکێ دا مانچێستەر یوناید ل ناڤ ئەرد و جەماوەرێ خوە خوسارەت ببو ب دو گولان بێ بەرامبەر .

کۆمێنتا تە