ب ڤیدیو دادڤانەک دخۆلا کوێتێ دا ب دژواری ھاتە قوتان
ئەڤرۆ نیوز، ھەژار مەعروف:
د یاریا پێش دووماھیا کاسا شاھێ کوێتی دا یاریکەر و رێڤەبەرێ تیما جەھرا یا کوێتی ب توندی ھێرشکرە سەر دادڤانێ یاریێ ل گەل ھەردو ھاریکارێن وی کو ب توندی دادڤانێن یاریێ ھاتنە قوتان، پشتی دادڤانێ یاریێ یاریکەرەکێ یانا ئەوان ب کارتا سور دورخستی کو بەری وی ژی دادڤانی دو یاریکەرێن دی ژی ب کارتا سور ژ ھەردو تیمان دورخستن بوون.
پشتی یاری ب وەکھەڤی ب دووماھی ھاتی و یاری بەر ب دەمێ زێدەکری چوی ل نیڤا ئێکێ یا زێدەکری رێڤەبەرێ تیما جەھرا ھێرش کرە سەر دادڤانی و پاش ژ یاریگەھێ ھاتە دورخستن رێڤەبەرێ تیمێ و پاش دادڤانی بەردەوامی دا یاری پاشی ب چەند خولەکا جارەکا دی ئەندامەکێ دی یێ تیمێ ھێرشکرە سەر ھاریکارێ دادڤانی پشتی شەر ب دووماھی ھاتی دادڤانێ بەردەوامی دا یاریێ و بەری یاری ب دووماھی بھێت ب چەند خولەکا یاریکەر و جارەکا دی رێڤەبەرێ تیمێ و ھژمارەکا یاریکەران جارەکا دی ھێرشکرە سەر دادڤان و ھەردو ھاریکارێن وی ئەڤ جارە ب شێوەکێ توند ھێرشکرنە سەر ستاڤێ دادڤان و پولیس ژی نەشیا کونترولا ئەوان بکەن و پاش دادڤان ل گەل ھەردو ھاریکارێن وی ھاتە ڤەگوھاستن بۆ نەخوشخانی ھەر ل وێرێ ئەوان سکالایەک ل سەر یاریکەر و رێڤەبەرێ تیما جەھرا تومارکری نە بۆ بریارە ئەوێ سکالایێ بۆ ئێکەتیا فیفا ژی بلندبکەن.