ب ڤیدیو : د ماوێ دو روژان شەش ساروخ ل چیایێ خامتیری کەفتینە

ئەڤرۆ نیوز ، عەلی حاجی :
د داخویانیەکێ دا رێڤەبەرێ ناحیا دەرکارێ بۆ ئەڤرۆ نیوز ئاشکەرا کر دماوەیێ دو روژان دا ٦ ساروخێن فروکێن سوپایێ تورکیا ل چیایێ خامتیری کەڤتینە و زێدەباری وێ چەندێ ژی روژانە دهێتە توپباران کرن.
زێرەڤان موسای زێدەتر گوت : دوهی روژا ئیک شەمبێ و ئەڤرۆ ل روژا دوو شەمبێ فروکێن سوپایێ تورکیا شەش جاران ب ساروخان چیایێ خامتیر توپباران کرینە ؍ پێنچ ژ وان ل گوپیتکا چیایێ ناڤبری داینە ئێک ژی ل ئاقارێ گوندێ شەرانشێ ؍ زێدەباری هندێ ژی ل چار روژان دووف ئێک دا توپخانەێن سوپایێ تورکیا ئەو دەڤەر توپباران کرینە؍ ئەو توپباران کرنە ژی هەمی ل دانێ سپێدێ بوینە ؍ ئەڤە ماوەیەکە سوپایێ تورکیا بوردومانا چیایێ خامتیری دکەت و هەتا نوکە ئەم ئەگەرێ وێ چەندێ ژی نوزانین کا ئەگەر چنە سوپایێ تورکیا توپباران کرن بو وی چیایی زێدەکرینە .
ل دوماهیێ گوت ژی : چیایێ خامتیری ۵ هەتا ۷ کێلومەتران ژ سەنتەرێ ناحیا دەرکارێ یێ دوورە ؍ پێتڤی یە ئەڤ شەرە ژدەڤەرێن مه دوور بکەڤیت و مە پێ خوەش نینە روژانە دەڤەرێن مە دهێنە توپباران کرن ؍ژبەری ماوەیەکێ جوتیارەکێ دڤیا گەرەنتیێ بدەینێ دا کو بچیت ۸۰۰ دارێن خوەیێن گیلاسا بەرهەمێ وان ژێڤەکەت ؍ من نەشیا گەرەنتیێ بدەمێ وی جوتیاری .

https://m.youtube.com/watch?v=9oGItiHzDz8&feature=share

کۆمێنتا تە