ب ڤیدیو: شیانێن یاریزانێ نوو یێ بەرشەلۆنا بینن
ئەڤرۆ نیوز:
پشتی شڤێدی یانا بەرشەلۆنا ب فەرمی ھەڤبەستا ستێرا گەنچ یا ھولەندی و یانا ئەیاکس ئەمستردام فرینکی دی یونگ راگەھاندی کو بریارە ل ھاڤینا بھێت پەیوەندی ب یانا بەرشەلۆنا بکەت.
دی یونگ یێ ٢١ سالی دەستپێکا ژیانا خوە یا وەرزشی ل گەل قوتابخانەیا ویلیم یا ھولەندی دەستپێکریە ل گەل وێ یانێ ھەتا ٢٠١٥ یێ بەردەوام بوو یاری ل گەل تیمێن وێ یانێ یێن ١٧ سالی و ١٩ سالی و ٢١ سالی کر و پاش ل سالا ٢٠١٥ ھەڤبەستا خوە یا ئێکێ یا پیشەکاری ل گەل یانا ئەیاکس ئەمستردام ئیمزاکر لێ وێ یانێ ل سالا ئێکێ یاری ل تیما ٢١ سالی یاری پێکر و پاش ل وەرزێ ٢٠١٦-٢٠١٧ ھەتا سەرئێخستن بوو تیما ئێکێ و ھەتا نوکە ل گەل وێ یانێ یێ بەردەوامە و ٦٥ یاری ھەتا نوکە ل گەل وێ یانێ ئەنجامداینە و شیا شەش گولان توماربکەت و ١٠ گولان بوو ھەڤالێن خوە دروست بکەت . ھەردیسان دی یونگ یاری بوو ھەموو ھەلبژارتیێن ھولەندا یاری کریە کو دەستپێکێ بوو ھەلبژارتیێ پێگەھشتیان کر ل سالا ٢٠١٢ و پاش بوو ھەر سێ ھەلبژارتیێن لاوان و ٢١ سالی و ئولومپی ھولەندا یاری کر ل ھاڤینا ٢٠١٨ ھاتە داخوازکرن بوو ھەلبژارتیێ ھولەندا یێ ئێکێ و ھەتا نوکە شەش یاریێن نیڤدەولی ل گەل ھەلبژارتیێ ئێکێ ھولەندا کرینە
