ب ڤیدیو: ڤی یاریزانی بنیاسن یێ بھایێ ھەلوەشاندنا وی ١٠٥ ملیون
ئەڤرۆ نیوز:
یانا بەنفیکا یا پورتوگالی ھەڤبەستەکا مەزن یا یانا لیڤەرپول یا ئنگلیزی رەتکر پشتی وێ یانێ داخوازی ژێ کری بوو ئیمزاکرنا یاریزانەکێ وێ یێ گەنج.
رادیویا توک سپورت یا ئنگلیزی دیارکر یانا لیڤەرپول یا ئنگلیزی ب فەرمی ھەڤبەستەکا ٦١ ملیون جینێ ئیسترلینی پێشکێشی یانا بەنفیکا کر بوو دەستڤە ئینانا یاریزانێ وێ یێ گەنج جواو ڤیلکس لێَ وێ یانا پورتوگالی داخوازیا لیڤەرپول رەتکریە .
ھەردیسان وێ رادیویێ دیارکریە ژی یانا بەنفیکا کوژمەکێ مەزن بوو ھەلوەشاندنا ئەوی یاریزانی دانایە کو دگەھیتە ١٠٥ ملیون جینێ ئیسترلینی ژبەرکو ئەو باش دزانن ئەوی یاریزانی پاشەرۆژەکا گەش ھەیە و دێ بیتە ئێک ژ ستێرێن جیھانی ل ماوێ چەند سالێن بھێت.
ھەژی گوتنێ یە ڤیلکس یێ ١٩ سالی ل وەرزێ ئەڤ سالە ژ تیما دوێ یا بەنفیکا بوو تیما ئێکێ ھاتیە سەرئێخستن و ھەڤبەستا ئەوی ھەتا ٢٠٢٣ یە ل گەل وێ یانێ و یاری ل ھێلا ناڤین و لایێ چەپی دکەت ھەردیسان وەکو ھێرشبەرێ دوێ ژی دشێت یاری بکەت.
ھەژی گوتنێ یە ئەڤ یاریزانە نوکە بوویە جھێ گرنگیا چەندین یانێن ئورۆپی و یانا بەرشەلۆنا ژی ھزر ل ئینانا ئەوی بەری نوکە کریە
