ب ڤیدیو: یاریزانێ نوو یێ ریال مەدرید بنیاسە
ئەڤرۆ نیوز:
یانا ریال مەدرید پشتی ھەڤبەست ل گەل زێدان ل ماوێ چەند رۆژێن بوری ئیمزاکری و کارگێریا یانێ سوزدایە ئەوی راھێنەری ھەڤبەستێ ل گەل چەند یاریزانێن نوو ئیمزا بکەن بەرپرسێن وێ یانێ ب فەرمی ھەڤبەستا خوە یا ئێکێ ب سەرپەرشتیا زێدان راگەھاند پشتی گەھشتی نە رێککەفتنێ ل گەل بەرەڤانێ بەرازیلی و یانا پورتو یا پورتوگالی ئەدیر میلیتاو ئەوی نوکە دھێتە ھژمارتن ئێک ژ باشترین یاریزانێن پورتو ھەردیسان خۆلا پورتوگال.
ئەدیر میلیتاو یێ ٢١ سالی ل وەرزێ ئەڤ سالە شیابوو ئاستەکێ بلند ل گەل یانا خوە دخۆلا پورتوگال و قارەمانیا چامپیونیز لیگ ێشکێش بکەت ھەر ژبەر وی ئاستێ بلند ئەو یاریزان بوو جھێ گرنگیا چەندین یانێن مەزن ل ئورۆپا ژ ئەوانا مانچێستەر یوناید و بایرن میونیخ و میلان و یوڤانتوس وئەرسینال لێ ل دووماھیێ ریال مەدرید شیا شیانێن ئەوی یاریزانی ب دەستخوڤە بینت کو ل ماوێ چەند ھەیڤێن بوری یانا بەرشەلۆنا ژی ھزر ل ئینانا ئەوی یاریزانی کربوو
ھەژی گوتنێ یە میلیتاو ل ھاڤینا ٢٠١٨ ژ یانا ساوپاولو یا بەرازیلی ھاتبوو ڤەگوھاستن بوو ناڤ رێزێن یانا پورتو یا پورتوگالی ل وەرزێ ئەڤ ل گەل پورتو پشکداری د ٣٤ یاریان دا کربوو ژ ئەوانا ٢٠ یاری دخۆلا پورتوگال و حەفت یاری د قارەمانیا چامپیونیز لیگ ل گەل ١١ د کاسا تاج و کاسا پورتوگال دا کرینە کو د ھەموو یاریان دا وەکو یاریزانەکێ سەرەکی پشکداری ل گەل وی یانێ کریە ھەردیسان نوکە یاریزانێ ھەلبژارتیێ بەرازیل یێ ئێکێ یە و بەری نوکە یاری بوو ھەردو ھەلبژارتیێن پێگەھشتیان و لاوێن بەرازیل ژی کریە .
