ب ڤی کوژمی بەنفیکا دێ یاریزانەکێ خوە یێ ١٩ سالی فروشیت
ئەڤرۆ نیوز:
ستێرا گەنچ یا پورتوگالی و یانا بەنفیکا جواو فلیکس نوکە بوویە جھێ گرنگیا چەندین یانێن بەرنیاس ل سەر ئاستێ ئورۆپا کو ھەر ئێک ژ یانێن یوڤانتوس یا ئیتالی و ئەتلەتیکو مەدرید یا ئیسپانی و مانچێستەر یوناید ب ھێز ھاتینە دناڤ ھەڤرکیا ب دەستڤە ئینانا ئەوی یاریزانی و کوژمەکێ مەزن یێ پارەی بوو ئەوی یاریزانی تەرخانکریە.
رۆژنامەیێن پورتوگالی دیارکرینە یانا بەنفیکا ب فەرمی بھایێ کوژمێ فروتنا یاریزانێ خوە یێ ١٩ سالی جواو فلیکس ئاشکراکریە کو بریار دایە ھەر یانەکا حەزا ئیمزاکرنێ ل گەل جواو ھەبیت پێدڤی یە ل سەر وێ یانێ کوژمێ ١٢٠ ملیون یورۆیا پێشکێشی ئەوان بکەن .
ھەردیسان ئەوان رۆژناما ئاشکراکریە ژی بەرپرسێن یانا بەنفیکا دیارکریە ئەو ناخوازن ل ڤی دەمی دەستا ژ شیانێن یاریزانێ خوە بەردەن لێ ھەکە یانەکێ ئەو کوژمێ ئەوان خواستی پێشکێشی یانا ئەوان بکەن وی دەمی ئەو دێ دەست بەردنا ئەوی بەن و نوکە چەندین داخوازی ل بەر دەستێ ئەوانن بوو ئەوی یاریزانی.
ھەژی گوتنێ یە جواو فیلکس ئێک ژ بەرنیاسترین یاریزانێن گەنچ نوکە ل سەر ئاستێ وەلاتێ پورتوگال و پێشبینیەکا مەزن بوو ڤی یاریزانی دھێتەکرن کو بیتە ستێرەکا مەزن ل پاشەرۆژێ و ب کریستیانو رونالدو یێ نوو دھێتە نیاسین .
