ب کۆژمێ ٨٩ ھزار دۆلاران پرۆژەکێ نوو یێ ئاڤێ دھێتە دانان
ئەڤرۆ نیوز، ئەمیر ئەترووشی:
دەزگەھێ خێرخوازی یێ بارزانی ب پشتەڤانیا رێکخراوا GIZ یا ئەلمانی پرۆژەکێ نوو یێ ئاڤێ بۆ گۆندێ سکرینێ یێ سەر ب ناحیا سەرسنکێ ڤە دانا.
دیندار محەمەد سەلیم، رێڤەبەرێ ئاڤا دەوروبەرێن دھۆکێ بۆ ئەڤرۆ نیۆز دیار کر کو پرۆژەکێ نوو یێ ئاڤێ بۆ گۆندێ سکرینێ یێ سەر ب ناحیا سەرسنکێ ڤە ب کۆژمێ ٨٩ ھزار دۆلاران دھێتە دانان ب پشتەڤانیا رێکخراوا GIZ یا ئەلمانی و ئەڤ پرۆژە ژ عمبارەکا ئاڤێ و کۆلانا بیرەکا ئرتیوازی و دانانا تۆرا ئاڤێ پێک دھێت و دێ ئاڤێ بۆ ١١ ھزار و ٥٠ وەلاتیان دابین کەت.
ئاشکرا ژی کر کو ئەڤە چەند سالەکە ئاریشا ئاڤێ ل ڤی گۆندی ھەبوو و ب تایبەت ل وەرزێ ھاڤینێ گەلەک جاران ب تانکەران ئاڤ بۆ دھاتە دابینکرن و چو پرۆژێن ئاڤێ ل گۆندی نەبووینە.
