ب گوژمێ 562 ملیۆن دۆلاران پڕۆژەیێن وەبەرهێنانێ ل زاخۆ هاتینە بجهئینان
زاخۆ، دلۆڤان هالۆ:
جگەرخوین تاهر، ڕێڤەبەرێ گشتی یێ وەبەرهێنانێ ل ئیدارەیا سەربخوە یا زاخۆ بۆ ڕۆژناما ئەڤرۆ دیاركر كو د دەمێ پێنج سالێن بۆری دا، ل سنۆرێ ئیدارەیا سەربخوە یا زاخۆ، وان مۆلەت دایە 25 پڕۆژەیێن وەبەرهێنانێ و دبێژیت: ب گوژمێ پتر ژ 110 ملیۆن دۆلاران پڕۆژە هاتینە بجهئینان.
ناڤهاتی گۆت: «مە ب گوژمێ 452 ملیۆن دۆلاران، بەرێ بنیاتی بۆ 9 پڕۆژەیان دانایە، سەرمایێ هەموو پڕۆژەیێن وەبەرهێنانێ دگەهیتە 562 ملیۆن دۆلاران».
گۆت ژی: «ئەڤان پڕۆژەیان ڤەژەنەكا نوو و گەشەپێدانەكا ئابووری ل زاخۆ پەیدا كریە، د پلانا مەدایە ل دەمەكێ نێزیك ئەم مۆلەتێ بدەینە 10 پڕۆژەیێن دی، دیسا د پلانا مە یا دو سالێن بهێن دا، دێ مۆلەتێ دەینە 38 پڕۆژەیان و ب گوژمێ 165 ملیۆن دۆلاران دێ ئەڤ پڕۆژە هێنە بجهئینان».
