ب ھاتریکا خوە رونالدوی بەرسڤا ھەمی رەخنەیان دا
ئەڤرۆ، زنار:
یانا ریال مەدرید شیا ب ھاتریکا ستێرا خوە یا پرتوگالی کرستیانو رونالدوی بەرسفا ھمی رەخنەیان بدەت پشتی سەرکەفتن ل سەر یانا ڤولڤسبروگ یا ئەلمانی تومارکری ب سێ گۆلان بێ بەرامبەر و دەربازبونا خوە مسوگەر کری بۆ قوناغا پێش دوماھیا قارەمانیا ئوروپا قارەمانێن خولان.
د ڤێ یاریێ دا ل نیڤا ئێکێ یانا مەلەکی شیا ژ دەسپێکا یاریێ کونترولا یاریێ کر و فشارەکا مەزن ل سەر گۆلا یانا ئەلمانی پەیدابکەت و ستێرا وێ کرستیانو رونالدو شیا ل دەقیقەیێن شازدە و ھەڤدە دو گۆلان توماربکەت و ئەنجامێ یاریێ وەکھەڤ بکەت و نیڤا ئێکێ ب ھێزا پشتەڤانیا جەماورەێ مەزن یێ یانا مەلەکی ب دوماھی بینن.
د نیڤا دویێ دا یانا ریال مەدرید ب دەرونەکێ ئارام یاری کر بەرامبەر یاریکەرێن ڤولڤسبورگ تنێ پشتبکەستن ل سەر ھێرشێن ھەڤدژ دکر بۆ دوماھی ئینانا یاریێ لێ بەرامبەر ڤێ چەندێ یاریکەرێن ریال مەدرید چەندین دەلیڤەیێن مسوگەر ژ دەستدان بۆ تومارکرنا گۆلا سەرکەفتنێ ھەتا دەقیقەیا ٧٧ ژ یاریێ کرستیانو رونالدو شیا گۆلا سەرکەفتنێ و سیێ یا خوە د ڤێ یاریێ دا ژ لێدانەکا ئێکسەر گۆلا سەرکەفتنێ تومارکر و یاریێ ب سەرکەفتنا خوە ب دوماھی بینن و دەربازبونا خوە مسوگەر بکەت.
د یاریەکا دی دا ژ ھەمان قوناغ یانا مان ستی یا ئنگلیزی ژی سەرکەفتن ب گۆلا یاریکەرێ خوە دیبروین شیا دەربازبیتە قوناغا پێش دوماھیێ یا قارەمانیێ ل سەر کیستێ یانا پاریس سان جێرمان یا فرەنسی.
