تاما خوسارەتیێ نزانیت ل خۆلا ئنگلتەرا دا
ئەڤرۆ نیوز:
یانا مانچێستەر سیتی بەردەوامی دا ئەنجامێن خوە یێن سەرکەفتی ب سەرکێشیا راھێنەرێ خوە یێ ئیسپانی پیپ گواردیولا پشتی ئەڤرۆ ژ چارچوڤێ یاریێن گەرا ١٤ ژ خۆلا ئنگلتەرا شیای سەرکەفتنەکا گرنگ ل سەر یانا بورنموس توماربکەت ب سێ گولان بەرامبەر گولەکێ .
ب ڤێ سەرکەفتنێ مان ستی خالێن خوە گەھاندنە ٣٨ خالان و سەرکێشیا خولێ دھێت کو ژ سەرجەمێ ١٤ یاریان ١٢ سەرکەفتن ل گەل دو وەکھەڤیا توماکرینە ، ھەردیسان د بیتە یاریا ٢٠ ل دیڤ ئێک یانا مانچێستەر ستی دخۆلا پرێمێرلیگ خوسارەت نەبووی ل وەرزێ بوری و ئەڤ سالە کو دووماھیی خوسارەتیا مان ستی ل یاریا دێربیا وەرزێ بوری بوو ل ٧-٤-٢٠١٧ ل گەل یانا مانچێستەر یوناید بوو ب سێ گولان بەرامبەر دو گولان کو ل دووماھیی بیست یاریێن خوە ل دیڤ ئێک ١٧ سەرکەفتن ل گەل سێ وەکھەڤیا تومارکرینە و ٥٩ گول تومارکرینە و ٩ گول سەر ھاتینە تومارکرن ل دیڤ ئامارا مالپەرێ سکواکا.