تانکەرەکێ به‌لاڤكرنا گازا سپی يا وەلاتیان ھاتە دەستەسەرکرن
ئەڤرۆ نیوز، لەزگین جۆقی:
بەرپرسێ ھۆبا ئابووری ل ئاسایشا باژێرێ دھۆکێ بۆ ئەڤرۆ نیوز دیارکر کو تاکەرەکێ گازا سپى يا حکومى ھاتە دەستەسەرکرن کو دڤیان گازا سپێ يا بەھرا وەلاتیان ب بھایي گازا سپی يا ئەھلى ب فروشنە وەلاتیان.
بەرپرسي ھۆبا ئابووری ل ئاسایشا باژێري دھۆکێ دیارکر کو ژ ئەنجامێ دووڤچوونا کارمەندێن ھۆبا ئابووری يا ئاسایشا پاريزگەھا دھۆکێ شیان تانکەرەکێ گازا سپی دەستەسەر بکەن ل دەڤەرا ئەلقووش ژ بەر کو گازا سپی يا بەھرا وەلاتیان بوو، لێ ژ لایێ شۆفێری ڤە ھاتبوو ھنارتن بۆ ویستگەھەکى ل دەڤەرا ئەلقووش، پشتی پێزانێن گەھشتینە کارمەندين ھۆبا ئابووری يا ئاسایشا پارێزگەھا دھۆکێ و دووڤچوون ھاتیە کرن دیار بوو کو دڤیا گازا سپی يا به‌هرا وەلاتیان ب بھایي ئەھلی ب فروشیت.
بەرپرسێ ھۆبا ئابووری ل ئاسایشا باژێرێ دھۆکێ گۆت: “شوفێر بۆ بارەگایێ ئاسایشا باژێرێ دھۆکێ ھاتە ھنارتن و ب رێيا ھۆبا ڤەکۆلینێ بابەت ب فەرمانا دادوەری بۆ دادگەھێ ھاتە رەوانەکرن و خودانی تانکەری و خودانێ ویستگەھێ بۆ دادگەھێ ھاتنە رەوانەکرن و تانکەری گازا سپی ژی يێ راگرتیە ل بارەگایێ ئاسایشا دھۆکێ و ڤەکۆلین د بابەتی دا یا بەردەوامە.