ترامپ: ئاگربەستا ل گەل ئیرانێ ب دووماهی هاتیە
سەرۆکێ ئەمریکا دۆنالد ترامپ کو د چارچۆڤەیێ سەرەدانا خوە یا بۆ تورکیا دا و پشکداری کرن د کۆمبوونا وەلاتێن ئەندامێن ناتۆ دا ل وی وەلاتی یە د داخویانیەکێ دا دیار کر، بەرپرسێن ئیرانێ کەسێن نەخوەشن، پێگیریێ ب سۆزێن خوە ناکەن و بەردەوام ئاریشەیان دروست دکەن، ژ بەر ڤێ یەکێ ژی ئاگربەستا ل گەل ئیرانێ ب دووماهی هاتیە و وەکو ئەمریکا ئەو ئێدی ل گەل ئیرانێ چو دانوستاندنان ژی ناکەن و کارێ وان بەری نها ل دژی ئیرانێ دەستپێکرینە دێ ب دووماهی ئینن.
ل ئالیێ دی محەمەد باقر قالیباڤ سەرۆکێ پەرلەمانێ ئیرانێ ژی دیار کر، سەردەمێ گەف و فشاران ب دووماهی هاتیە و ئەمریکا نەشێت ب زۆرێ داخوازیێن خوە ل سەر مە فەرز بکەت و ئەم خوە رادەست ناکەین و دێ هەتا دووماهیێ بەرگریێ ل مافێن خوە کەین و ترامپ نەشێت ب گەف و فشاران مە نەچار بکەت دا هەموو داخوازیێن وان قەبوول بکەین.
