ترۆمبێلەک وەرگەریا و کەسەکێ گیانێ خۆ ژ دەستدا

ئەڤرۆ نیۆز،زنار تۆڤی:

موقەدەمێ مافپەروەر ئازاد تاها بەرپرسێ پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیۆز دیارکر:ئەڤرۆ د روودانەکا ترافیکێ دا ترۆمبێلەک وەرگەریا و کەیەکێ گیانێ خۆ ژ دەستدا.

ناڤهاتی دیارکرژی:ئەڤرۆ ئەینیێ 20.10.2017 ل دەمژمێر (14:45 ) پشتی نیڤرۆ د روودانەکا هاتنوچوونێ دا ل سەر جادا گشتی یا زاویتە بۆ کۆمەلگەها باگێرا و ل گەلیێ قەنتارا ترومبێلەکا دهوک تایبەت ژ جورێ (نیسان_سەنی ) ژبن کونترۆلا شوفێری دەرکەفتیە و خۆ ب پەرجانێ نیڤا جادێ دایە و د ئەنجامدا کەسەکێ گیانێ خۆ ژ دەستدایە و سێ کەسێن دی ژی بریندار بووینە و ئەو هەر سێ کەس هاتینە ڤەگۆهاستن بۆ نەخۆشخانا تەنگافیا ل دهۆکێ.

ناڤهاتی گوت ژی:ئەگەرێ ڤێ روودانێ ڤەدگەریت بۆ نەپێگریا شۆفێری ب رێنمایێن هاتنوچوونێ.

کۆمێنتا تە