ترێندا نوو دێ بۆ سێڤا بەرواریان بیت
هەرهین محەمەد
سترانبێژ (جەمال وەرمێلی) د دیدارەكێ دا دیاركر ئەڤە دەمەكە ئەو مژوولی چێكرنا سترانەكێ یە ب ناڤێ (سێڤا سۆرا بەرواری) كو ژ پەیڤێن (نەشوان بناڤی) و ئاواز سترانبێژ (هشیار كۆچەر) و هندەك فولكلۆرە و (ڤەگێڕ كۆرەماركی) هاریكاری كریە دپەیڤان دا و ل ستودیویا ئێكس یا جێهگر ئەنەس ئامێدی هاتیە توماركرن و ئارەنجۆرو دابەشكرنا مۆزیكێ هەر یا وی ب خوە یە و میكس و ماسترینگ عەلی خەفاف و سول هەكار بەرواری وزڕنا زوهێر سالح و ژ توۆماركرنێ ب دووماهی هاتیە و ل بەرە ل فێستیڤالا بەرواریان بهێتە گۆتن.
هێشتا گۆت: مەرەم ژ چێكرنا ڤێ سترانێ ئەوە خزمەتا فێستیڤالا بەرواریان بكەین و نوكە ژی هەموو سترانبێژ كاردكەن بۆ ترێندا و هەرسترانبێژەك كاردكەت بۆ ناڤ و دەنگیا خوە و ئەم ل تشتێن وەسا دگەڕین بیتە ترێند و چ پێ نەڤێت هەكە بۆ ترێند هەموو خەلك دێ بینن و ئەو كارە ژی بۆ ناڤ و دەنگیا مرۆڤی یە وەكو وەفاداریەك ژی وەكو سترانبێژەك پتر ئەز دچمە دەواتان و گەلەك دچمە دەواتێن بەرواریان و من دڤیا ب سترانەكێ خزمەتا وان بكەم و فیستیڤالا یەرواریان ژی یا ژ هەژی یە مرۆڤ خزمەتا وان بكەت وەكو من دسترانێ ژی دا گۆتی دێ سێڤەكێ خۆی ژ وی واری و تۆ ئێدی نابەیە نوشداری.
