ترەمپی ب توندی هێرش كرە سەر رێكخراوا ساخلەمیا جیهانی
ئەڤرۆ نیوز:
سەرۆكێ ئەمریكا رەخنە ل رێكخراوا ساخلەمیا جیهانی گرت، ژبەرکو زانیاریێن خەلەت داینە وان دەربارەی ڤایرۆسێ كۆرۆنا و لایەنگری بۆ وەلاتێ چینێ كریە.
ئه‌ڤرۆ سێشه‌مبی دۆنالد ترەمپی ل تۆرا جڤاکی یا تویتەری نڤێسی یە، کو رێكخراوا ساخلەمیا جیهانی ل دەستپێکا بەلاڤبوونا كۆرۆنا یێ دا، ئەمریكا راسپارد کو ئەسمانێ خوە ڤەکری بهێلیت، د دەمەکێ کو ئەڤ رێكخراوە پشکا زۆر پارێن خوە ژ ئالیێ ئەمریكا فە دابین دکەت.
ترەمپی گۆتیە، خۆشبەختانە من شیرەتێن رێکخراوا ساخلەمیا جیهانی رەتکرینە و هەر زوو من گەشتێن وەلاتێ خوە ل گەل چینێ دا راگرتن.
