ته‌رمێ ژنه‌كێ هاته ديتن
ئه‌ڤرۆ نیوز، نه‌وزاد هلۆرى:
پشتى نیڤرۆیا ئه‌ڤرۆ دوشه‌مبى 11/6/2019 ژنه‌ك ب كوشتى ل مالا وێ دا هاته دیتن، پولیسێن سۆران ژى دیاركر كو ڤه‌كولین ل سه‌ر روودانێ ده‌ست پێ كریه، ته‌رمێ وێ ژنێ پشتى كوشتنێ ژى هاتیه شێواندن.
سه‌عدون هاودیانى، په‌يڤدارێ پولیسێن سۆران بۆ ئه‌ڤرۆ نیوز گۆت: (ئه‌ڤرۆ پشتى نیڤرۆ ته‌رمێ ژنه‌كێ ل ماله‌كا سه‌نته‌رێ قه‌زا ره‌واندوز هاته دیتن، له‌شێ وێ گه‌له‌ك ژى هاتبویه شێواندن، پولیسێن ده‌ڤه‌رێ هاتینه ئاگه‌هداركرن).
زێده‌تر گۆت: (پشتى گه‌هشتنا پولیسان بو وێ مالێ، ب گوره‌ى پێزانینێن ده‌ستپێكى ناڤێ وێ “ا.ك” و دایكبویا سالا 1954، ته‌رمێ وێ ژنێ بو نوژداریا داد ل هه‌ولێرێ هاتیه ره‌وانه‌كرن، بو زانینا پێزانینێن زێده‌تر پولیسان ڤه‌كولین ده‌ست پێ كریه).
