توركیا بالیۆزێ ئه‌مریكا گازی كر
ئه‌ڤرۆ نیوز:
وه‌زاره‌تا ده‌رڤه یا توركیا بالیۆزێ ئه‌مریكا ل ئه‌نقه‌ره گازی كر ب مه‌ره‌ما نیشاندانا نه‌رازیبوونا خوه ژ وێ سه‌ره‌ده‌رییا حكومه‌تا ئه‌مریكا د گه‌ل زێره‌ڤانێن تورك ول واشنتۆن كری.
هه‌ژماره‌كا كوردان به‌ری شه‌شه رۆژان ل ده‌مێ سه‌ره‌دانا سه‌رۆكێ توركیا ره‌جه‌ب ئه‌ردۆغانی بۆ ئه‌مریكا خوه‌نیشاندان هه‌مبه‌ری مالا بالیۆزێ توركیا ل واشنتۆن كرن، د ده‌مه‌كی دا ئه‌ردۆغان ل وی جهی بوو، زێره‌ڤانێن ئه‌ردۆغانی و بالیۆزی هێرشی كوردان كر و 9 خوه‌نیشانده‌رێن كورد بریندار كرن.
به‌لاڤبوونا ڤیدیۆیا هێرشێ ده‌نگڤه‌دانه‌كا مه‌زن د میدیا ئه‌مریكا دا هه‌بوو، تا راده‌كی كو وه‌زیرێ ده‌رڤه یێ ئه‌مریكا بالیۆزێ توركیا گازی كر و دلگرانییا خوه دیار كر، سیناتۆرێ ئه‌مریكا جۆن مه‌كین ژی راگه‌هاند: هێرشكرن سه‌ر خوه‌نیشاندانێن ئاشتییانه ل سه‌ر ئاخا ئه‌مریكا ناچێبیت و حاكمێ واشنتۆن ژی ئه‌و كارێ توركیا شه‌رمزار كر.
